Білім берудің жаңа бағытын ұсынған кім еді?

Өнегелі ұстаз
Білім берудің жаңа бағытын ұсынған кім еді?

Мақала авторы: Өскенбай Алмас Әділбекұлы
Жұмыс орны: Зияткерлік технологиялар институты
Лауазымы: профессор
Порталға жариялану мерзімі: 13.08.2021
Журнал қорына жариялаған: Оскенбаев Алмас Адильбекович


Өмірі өнегелі ұстаз

Әбілкәрімов Сабыр Амангелдіұлы 1961 жылдың 15 тамызында Солтүстік Қазақстан облысы Сергеевка ауданына қарасты Бірлік ауылында дүниеге келген.

1982-1987 жылдары Петропавл қаласындағы педагогикалық институты бітірген, тарих пәнінің мұғалімі. Кейін 1998-2004 жылдары Алматы қаласында орналасқан Орталық Азия университетінде «Юриспруденция» мамандығы бойынша білімін жетілдірген.

Көп жылдар бойы тарих пәнінің мұғалімі, кейіннен оқу жөнінде директорының орынбасары және мектеп директоры болып жұмыс істеген.

1996-2002 жылдары Петропавл қаласындағы классикалық гимназия директорының оқу және тәрбие жөніндегі орынбасары қызметін атқарады. 2002-2004 жылдары аралығында Петропавл қаласының №44 орта мектебі директоры болған. 2004-2007 жылдарында Солтүстік Қазақстан облысы бойынша педагог кадрлардың біліктілігін жетілдіру және қайта даярлау институтының директоры қызметін атқарды.

Жылдар бойы жинақтаған тәжірибесінің негізінде білім беру бағытындағы бірқатар жобалардың негізін қалаушы. Қазақстан Республикасының аумағы бойынша қашықтық білім берудің бастапқы жолын салған білікті педагогтардың дарасы. «Қазақстан ұстазы» қоғамының құрметті мүшесі, қоғам қайраткері. Қазіргі таңда, балаларын өсіріп, немерелерін сүйіп отырған ардақты шаңырақ иесі.

 

Білім берудің жаңа бағытын ұсынған кім еді?

Білім саласына жаңадан аяқ басқан кезімізде техника мамандары ретінде онлайн кітапхана, электронды кітап саласын көп зерттедік. Бастапқы нұсқаларын құрастыра бастадық. Жасаған өнімдерімізді жылдам жарыққа шығару мақсатымен арасында ғылыми сайыстарға және көрмелерге де қатысып тұратынбыз. Білім ортасына тәй-тәй басқан бүлдіршіндей болып келген кезімізде біздің тұсауымызды кесіп, өрге сүйрелеген ғалым ағаларымыз бен апайларымызға үлкен рахмет. Ол өзінше бөлек әңгіме…

Сабыр ағамен ең бірінші рет астанамызға іс-сапармен барған кезде танысып едік. Сырт көзге балуан білекті жігіт ағасы болып көрінгенімен, жүзі жайдарлы, ашық-жарқын, бала көңілді адам ретінде таныдық. Қаншама уақыт өтті, бірақ Сабыр аға әлі осындай.

Сабыр ағамыздың ұсынысымен 2014 жылдан бастап біз қашықтықтан білім беру жүйелерін жетілдіре бастадық. Бұрын қағаз нұсқада жариялап жүретін кітаптар мен педагогикалық журналдардың онлайн нұсқасын құрастыру осы кезеңдерде қыза жаңғырды. Мектепке дейінгі, орта және арнайы білім беру мекемелеріне арналған ең алғашқы қашықтық сайыстардың ақпараттық қорлары жинақтала бастады. Бұл кезеңдерде Қазақстан аумағы бойынша қашықтық білім беру порталдарының иісі де аңқымаған еді. Біз бірінші болып құрастыра бастадық. Осы кезеңдерде білім саласындағы болашақ реформалардың орын алуын болжай білген Сабыр ағамыздың педагог-ұстаз ретіндегі шеберлігін айтсаңызшы?!

Сабыр ағамыз біз үшін үздік новатор. Біз үшін әр-түрлі кезеңдерде өмір сүріп келген білімді ұстаз тәріздес. Ұстаздар қоғамының атынан ағамызға зор денсаулық, қажымас қайрат, балалары мен немерелерінің қуанышына бөленуді, шаңырағының биік болып, құдай қосқан жарымен бақытты өмір сүруді тілейміз.

Жүректен шыққан әңгіме. Жалғасы бар…

Шәкірті, Алмас Әділбекұлы

https://osken.kz

Қадірменді Сабыр Амангелдіұлы!

Сізді асқаралы 60 жасқа толған мерейлі жасыңызбен құттықтай отырып, шынайы көңілден шыққан ізгі тілегімізді жолдаймыз!
Жүйрік уақыттың ұшқыр қанаты Сізді мағыналы ғұмырыңыздың биік бір белесіне жеткізді. Сіз көп жылдан бері білім саласының жұмысын жандандырып, еселі еңбек етіп жүрген жігерлі де жауапты тұлғалардың бірі ретінде біліктілігіңіз бен іскерлігіңізді орайлы ұштастыра отырып, білім беру ісіне сүбелі үлесіңізді аянбай қосып келесіз. Өз ісіңізге берілгендігіңіз бен кәсіби шеберлігіңіз, әділдігіңіз бен адамгершілігіңіз үшін әріптестеріңіз бен тума-туысқандарыңыз Сізді білікті маман, іскер басшы, ақ жүрек адам, ағайынның қамқоршысы ретінде құрмет тұтып сыйлайды.
Сізге деніңізге саулық, әулетіңізге амандық, қызметіңізге шығармашылық табыс тілей отырып, Бибі құдағайымызбен бірге ұл-қыздың қызығы мен қуанышына, немере-жиеннің сүйіспеншілігіне бөленіп, ағайын-туыс ортасындағы алтын көпірдей қадіріңізбен ұзақ жасай беріңіз!

Батыс Қазақстан, Ақжайық.
Мирлан, Гүлсім, Мағжан, Динара.

 

60 жасқа толу мерейтойыңызбен шын жүректен құттықтаймыз!

Сізді өмірден тоқығаны мол, кемел ойлы тұлға ретінде жақсы білеміз. Терең білім, берік ұстаным, іскерлік қабілет және үлкен азаматтық қасиеттеріңіз — Сізді мектеп мұғалімінен, Қазақ елінің білім саласына белгілі, өмірі өнегелі ұстаз деңгейіне көтерді. Білім мен ғылым саласының түрлі мекемелеріде жауапты қызметтер атқардыңыз. Сіздің жүрегіңіз кең, жаныңыз жомарт, қамқор да білікті басшы, аяулы әке ретіндегі абзал қасиеттеріңіз тәнті етпей қоймайды, атыңызға затыңыз сай ұлағатты ұстаз, өнегесіз. Осындай еңбек пен тұрмыс тәрбиесі, жеке басыңыздың кіршіксіздігі Өзіңіз, отбасыңыз үшін ғана емес, өзіңізбен қанаттас жүрген әріптестеріңіз, тілектес дос-жаран үшін де зор мақтаныш, абырой, жас ұрпақ үшін нағыз өмір мектебі екендігі даусыз.

Қадірлі Сабыр Амангелдіұлы! Сізге осындай мерейлі күні шын көңілімізбен зор денсаулық, қажымас қайрат, отбасыңызға баянды бақыт тілейміз.

«Әдістеме» журналы редакциясының ұжымы

https://adisteme.kz

 

Сізді 60 жасқа толуыңызбен шын жүректен құттықтаймын!

Сіз өз мерейтойыңызға лайықты да қошеметтеуге тұрар жетістіктермен келіп отырсыз.
Өз еңбек жолыңызда талай белеске шығып, ұжымның және достарыңыздың құрметіне бөлендіңіз. Таңдаған жолыңызды абыроймен жалғастырып келе жатқан тамаша балаларды тәрбиелеп, өсірдіңіз.
Сіздің өрелі істеріңізді айтқанда ауыз толады, өйткені Сіздің өміріңіз нағыз майталман маманның, ұлағатты әкенің, еліміздің абзал азаматының өнегесі. Отанымыздың өркендеуі және халқымыздың игілігі жолында әлі де талай тәнті істерді атқарарыңызға кәміл сенімдімін.
Бүгінгі мерейтойыңызда Сізге және туыстарыңызға зор денсаулық, ұзақ ғұмыр, еңбекте тың табыстар мен өмірдің асқақ абыройын тілеймін!
Шаңырағыңызда береке-бірлік, ырыс-ынтымақ бола берсін! Бақытыңыз баянды, сау-саламат жүргейсіз!

«Қазақстан ұстаздары» қоғамы

https://kzu.kz

60 жасқа толған әріптесімізге тілек

Сізді адам өмірінің айтулы белесі – 60 жасқа толу мерейтойыңызбен шын жүректен құттықтаймыз!
Сізді өмірден тоқығаны мол, кең ойлап, қамқор қолын ұсынып жүретін аяулы азамат, аға ретінде жақсы білеміз. Өзіңіз еңбегіңізді арнаған саланы дамытуға сіңірген белсенді қызметіңіз, тың ғылыми-техникалық жаңалықтарды енгізуде озық ойлайтын кемел қабілетіңіз тәнті етпей қоймайды, жастарға ұлағатты ұстаз, өнегесіз.
Сізге зор денсаулық, қажымас қайрат, отбасыңызға баянды бақыт тілейміз.

«Тәлімгер» білім беру орталығының ұжымы

https://talimger.kz