Журналға білім беру саласына қатысты кез-келген мақала журнал айдарларына сәйкес қабылданады. Мақалалар парақ санымен есепке алынбайды, мәтін көлемі тақырыбын толық ашуы тиіс. Мақала журнал порталының ішкі редакторында ғана жарияланады. Мақала мазмұнында басқа бастаулардан алынған деректер болса міндетті түрде пайдаланылған әдебиеттер тізімі көрсетілуі тиіс. Ғаламтор желісіндегі жүйелерден алынған ақпарат болса, мұндай жүйенің атауы және тиісті тарауы көрсетіледі. Бұқаралық ресурстардан алынған мәліметтерге де сілтемелер қолданылған ақпарат көзі ретінде жазылады. Мақалалар мәтін күйінде ғана қабылданады. Кестелі түрде құрастылырған сабақ жоспарлары қабылданбайды. Басқа автордың еңбегінен көшірілген мақалалар "плагиат" мөрімен белгіленеді. Сөйлемінде мәні және мағынасы жоқ материалдар жарияланбайды. Редакцияға келген материалдар түзетілуі, толық өзгертілуі немесе өшірілуі мүмкін. Автор, мақаласын ұсына отырып, барлық авторлық құқығын редакцияға береді. Кестелер, суреттер, басқа да графикалық материалдар айтылғаннан кейін орналасуы керек. Автордық өзі әзірлеген материалдар ғана қабылданады. Ғаламтордан көшірілген немесе сілтеме берілген материалдардың барлығы авторға тиесілі болуы тиіс. Басқа біреу түсірген видеоны алып сала салуға болмайды. Барлық аббревиатуралар мен қысқартулар, жалпыға белгіліден басқасы, мәтінде бірінші рет қолданылған кезде ашып жазылуы керек.

Мақаланың атауы. Мақаланың атауы ақпаратты, тартымды және бірегейлі болуы керек (8 сөзден аспайтын, бас әріппен басталып ары қарай кіші қаріппен жалғасуы тиіс). Мақала тілі қай тілде болса оның атауы да сол тілде болуы тиіс.

Аннотация. Аннотация – мақаланың мақсатына, мазмұнына, түріне, формасына және басқа да ерекшеліктеріне қысқаша сипаттама. Автордың пікірінше, зерттеудің негізгі және құнды кезеңдерін, объектілерін, олардың белгілері мен қорытындыларын көрсетуі керек. Ұсынылатын көлем 100-ден 150 сөзге дейін. Аннотация мазмұны бойынша мақаланың атауын қайталамауы керек, формулалар мен библиографиялық сілтемелерді қамтуы керек. Орыс, қазақ, ағылшын тілдерінде ұсынылады. Бұл талап ғылыми еңбектерге ғана қатысты.

Кіріспе. Тақырыпты таңдаудың негіздемесі, тақырыптың немесе мәселенің өзектілігі. Тақырыптың өзектілігі объектіні зерттеуге деген жалпы қызығушылықпен анықталады, бірақ бар сұрақтарға толық жауаптардың болмауы тақырыптың теориялық немесе практикалық маңыздылығымен дәлелденеді.

Негізгі бөлім. Зерттеу тақырыбы бойынша нәтижелерді талдау және талқылау жүргізіледі. Негізгі мәні ашылады. Пайдаланылған зерттеу әдістерді, ғылыми әдебиеттерді, статистикалық деректерді талдаудан, дереккөздерді толық сипаттаудан тұруы тиіс.

Қорытынды. Тұжырымның ақиқатын растау және алынған нәтижелерді ескере отырып, автордың қорытындысы жазылады.

Әдебиеттер тізімі. Жалпы санымен есептегенде шетелдік дереккөздердің көлемі кемінде 1/3 бөлігін қамтуға тиіс. Мақала мәтінінде көрсетілмеген материалдар енгізілмейді. Сілтемелер мәтіндегі ретімен қатаң нөмірленуі керек. Мақала мәтініндегі сілтеме нөмірі төртбұрышты жақшада ресімделеді. Мәтіндегі әдебиетке бірінші сілтеме [1], екіншісі – [2] және т. б. болуы керек. Мақаланың негізгі мәтініндегі кітапқа сілтеме пайдаланылған беттерді көрсетумен бірге жүруі керек (мысалы [2, 545 бет]). Авторы көрсетілмеген электрондық ресурстар, статистикалық жинақтар, нормативтік-құқықтық актілер беттік түсіндірмелерде көрсетіледі және пайдаланылған әдебиеттер тізіміне енгізілмейді. Әдебиеттер тізімі МЖБСТ 7.1-2003 «Библиографиялық жазба. Библиографиялық сипаттама. Жалпы талаптар мен құрастыру ережелеріне» сәйкес ресімделеді. Дереккөзді қайта келтірген кезде оған бастапқы дәйексөз нөмірі беріледі. Интернет-ресурстарға сілтеме жасау кезінде автор, мәтіннің атауы, дереккөз, материалдың толық электрондық мекенжайы, оған барған күні көрсетіледі. Жеке хабарламаларға, есептерге, қорғалмаған диссертацияларға және басқа жарияланбаған материалдарға сілтеме жасауға рұқсат етілмейді.

Әдебиеттер тізімін ресімдеу мысалдары:

1. Кітап. Oskenbay A. Brush up your talk / Madison, USA., 2014. –107 б.
2. Мақала. Оскенбаев А.А. Риторика судебного мастерства / Журнал «Adisteme». – 2018. – №10. – 21-25 б.
3. Оқу құралы. А. Өскенбай, WordPress Start: оқулық / Алматы: Зияткерлік технологиялар институты, 2022. – 34 б.
4. Электрондық ресурс материалдары. Әдістемелік журналға мақала жариялаудың негізгі талаптары [Электронды ресурс] – https://adisteme.kz/rules.html
5. Материалы из электронных ресурсов. Требования к оформлению статьи [Электронный ресурс] – https://adisteme.kz/trebovaniia-k-oformleniiu-stati.html