Аннотация

Баяндамада қазіргі білім беру жүйесіндегі жаңашылдық, педагогикалық технологиялар мен білім берудің жаңа трендтерін оқу процесіне ендірудің қажеттілігі мен маңыздылығы, оның ғылымдағы мәні кеңінен қарастырылған.Зерттеушілердің еңбектеріндегі білім берудегі және педагогика ғылымындағы инновациялық процестер секілді мәселелер, іс жүзіндегі педагогикалық ойлар және инновациялар, педагогикалық инновацияларды жүзеге асыру мәселелері, білім беру ісіне енгізілген жаңалықтардың өміршеңдік мәселелері, дәстүрлер және жаңартулар қамтылған.

Резюме

Рассмотрено понятие «Технология педагогики», обоснована необходимость внедрения инновационных подходов в организации образовательной деятельности в школе. Сформулированы основные образовательные цели в подготовке специалистов на современном этапе.

Abstract

The article discusses innovation in the education system, the importance and necessity of introduction in educational process of new educational technologies and trends education and its importance in teaching science. Innovative processes in science and education pedagogy in the works of researchers addresses the issues of: innovation and pedagogical thought in the actual; on the implementation of pedagogical innovations; life cycle of innovations in the field of education; tradition and renewal. In the news support from the public ahead of time sometimes not appearing, and then, depending on the circumstances of maturing, improving, and meets the needs of society. The news very early when I was born, has become a necessity, everyday, death is not off, then the opposite is developing, several times transformed, yet a new kind of communication is used. Trends in education is the process of education, changes. For the past ten years and his teaching methods and pedagogical innovations in the educational system to improve the quality of education, actively implemented computer results.

Кіріспе

Қазіргі кезең – барлық саланың жаңару, жаңғыру кезеңі. Күнбе-күнгі жаңалықтар немесе маңызды енгізілімдер қоғам өмірінің құрамдас бөлігі болып отыр. Ашық ақпараттық кеңістік қоғам қажеттілігіне сай сұранысты өтеуге кең мүмкіндік береді. Осы ретте білім беру мен тәрбие саласында да маңызды өзгерістерін уақыт талабы алға тартты. Қоғамдық еңбектің басқа жаңалықтардың нәтижелі жүзеге асырылуы білім беру саласындағы өзгерістермен тікелей байланысты. Білім берудің қоғамдық қызмет ретінде қоғамдық өзгерістерден қалыс қалмауы және оның дамуы мен өзгеруіне әсерін тигізуі – басы ашық мәселе. Қоғам мүшелерінің білім деңгейін арттыру ісінің қоғамға жан-жақты әсерін тигізетіні белгілі. Тәрбие және білім беру саласындағы өзгерістер тұтас алғанда қоғамда қайта құрудың құралы болып отыр.

Қоғамның назарын педагогикалық білім берудің заманауи трендтеріне аудару, республикадағы білім беру мазмұнын жаңарту міндеттеріне ықпал ететін жетекші халықаралық инновациялық технологияларды таратуға аударуды мақсат еткен. Заманауи білім беру мәселелерін бірлесіп талқылауға әлемдік зерттеу орталықтарын тартуды, Қазақстандағы білім беру мазмұнын жаңарту міндеттеріне ықпал ететін педагогикалық білім берудің қазіргі заманғы трендтерін дамытуға жәрдемдесуді, білім беру сапасын арттыруға ықпал ететін қазіргі заманғы халықаралық білім беру технологияларымен және бірегей оқыту әдістемелерімен тәжірибе алмасу және танысуды, кәсіби-педагогикалық қарым-қатынастың жаңа түрлерін дамытуды және де республикада педагогикалық білім беру трендтерін дамыту бойынша тиімді шешімдер іздеу және ұсыныстар әзірлеу мен инновациялық білім беру технологиялары және оқыту әдістері болып табылады.  Заманауи білім беру трендтеріне инновациялық білім беру мен цифрлы Қазақстан жатады. Ұлттың бәсекеге қабілеттілігі бірінші кезекте білім деңгейімен айқындалады. Тәуелсіз ел тірегі-білімді ұрпақ.

Тәуелсіз ел тірегі -білімді ұрпақ десек, жаңа дәуірдің күн тәртібінде тұрған мәселе білім беру, ғылымды дамыту. Қазақстан Республикасының «Білім туралы» Заңында: «Білім беру жүйесінің басты міндеті ұлттық және жалпы азаматтық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар: оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» деп білім беру жүйесін одан әрі дамыту міндеттерін көздейді. Сондықтан, қазіргі даму кезеңі білім беру жүйесінің алдында оқыту үрдісін қарқынды түрде технологияландыру мәселесін қойып отыр.Ол үшін ең бірінші мұғалімнің ұстанымы мықты болу керек, оқыту үдерісінде қалыптасқан дағды мұғалімнің сыныптағы барлық іс-әрекеттеріне әсер етеді. Мұғалім өз жұмысында арнаулы, пәндік білімдермен ғана шектелмей, педагогика мен психологияның, тәрбие салаларының қазіргі заманғы жаңашылдықтарын да қамтуы тиіс болғандықтан онан үлкен дайындық (педагогикалық инновацияны қабылдау, бағалау және іске асыруға дайындық) талап етіледі.

Инновация – ол құрал және үдеріс ретінде әлдебір жаңалықты ендіру, жаңашылдық, өзгеріс деген ұғымды білдіреді. Инновация өздігінен пайда болмайды, ол ғылыми ізденістердің, жекелеген мұғалімдер мен тұтас ұжымның озық педагогикалық тәжірбиесі. Бұл процесс стихиялы дамымайтындықтан, ол басқаруды қажет етеді, ал процесті басқару мұғалімнің өз қызметінде әріптестерінің тәжірибесі немесе ғылымдағы жаңа идеялар, әдістемелерді дұрыс таңдап, бағалау және қолдануын қамтамасыз етеді.

Білім берудегі инновациялық процестердің мәнін педагогиканың маңызды екі проблемасы құрайды. Олар − озық педагогикалық тәжірбиені зерттеу, жинақтау және тарату проблемасы және педагогикалық-психологиялық ғылымдардың жетістігін практикаға енгізу. Оқу-тәрбие үрдісіне жаңа инновациялық әдіс-тәсілдерді енгізу оқушылардың білімге деген қызығушылығын, талпынысын арттырып өз бетімен ізденуге, шығармашылық еңбек етуге жол салады. Озық педагогикалық тәжірбиенің негізі болып есептелетін жаңашылдықты зерделеу − педагогикалық тәжірибелерді теориялық талдау және жинақтауға алып баратын басқыш сияқты.

Инновациялық үдеріске жаңалықты жинақтау мен тарату ғана емес, ойлау және осы жаңалыққа қатысты өзгерістер мен қайта құру да жатады. Демек, бұл прогрессивті, озық, заманауи, оң үдеріс.

Тренд дегеніміз не? Тренд ("трэнд"деп оқылады, ағылш. trend - тренд) - негізгі бірқатар тенденциялардың уақыт бойынша өзгеру процесі (Ақпарат көзі). Білім беру жүйесіндегі трендтер – оның өзгерісіндегі тенденциялар. Заманауи трендтер туралы айтқанда өзгеріске себеп болған сәттер, фактілерге баса мән берген жөн, сонымен қатар өзгеріс бағытын зерттеп зерделеген дұрыс.Трендсіз өмір сүруге бола ма? Бір қарағанда болатын сияқты көрінеді. Бәлкім, көпшілігі солай жасайтын да шығар. Бірақ: сәндегі трендтерге мән бермей, біз сәннен ғана қалып қоймаймыз, ескі тұрғыдан ойлайтын адамға айналамыз; бұл біздің еңсемізді түсіріп, көңілсіз еткенімен қоймай, өзімізге деген бағалауды түсіреді; экономикадағы трендтерге назар аудармай, біз өз қаржымызды ақылмен жұмсап, түрлі тәуекелдерге барып, үлкен шығынға ұшырап, «кедей» және «ауру» атанамыз; білім және ғылым саласындағы трендтерге мән бермей, жан-жақты қалыс қаламыз. Бұл тұрғыда пікірталас тоқтамайды.Трендтер спортта, сәнде, экономикада және білім беруде қолданыста бар.

Білім берудегі трендтер – бұл білім берудің өзгеру процестері. Соңғы он жыл бойында білім беру жүйесінде педагогикалық инновацияларды және компьютерлік әдістемені оқыту оқудың нәтижелері мен оның сапасын жақсарту мақсатында белсенді түрде енгізіліп келеді. Оқу сапасы оқу процесінің тиімділігі критерийін және дәстүрлі және кез келген инновациялық технологияны оқытуды анықтау.

Заманауи білім жүйесінің талабы қоғамды тек керекті біліммен қамтамасыз етіп қана қоймай, қоғамдық құндылықтарды нығайту, ұлғайту, гуманизм мен азаматтықтың жағдайларын кеңейту өзекті мәселе етіп қойылуда. Бұл процесс үздіксіз жүреді, адамның әлеуметтену іске асырудың барлық кезеңінде жүзеге асырылады.

    Жаңа трендтер оқу-білім айналымына қосылып қана қоймай, ақпарат көзін іздеу, жаңа білімдерді жедел әрі тиімді түрде үйрену қажеттілігі туындағанда барша ұстаз қауымы үшін кәсіби дамуға ұмтылыстың жаңа бір білім алу жолы болды. Білім берудегі мобильділік оқытуда педагогикалық үдеріске қатысушылардың өзара әрекеті мынадай бірізді, өзара байланысты әрекеттер мен қызметтердің тізбегінен тұрады, олар: педагогикалық талдау, мақсат қою және жоспарлау, ұйымдастыру, бақылау, реттеу және түзету.Ең бастысы, оқу сізге ыңғайлы уақытта және негізгі қызметіңізге кедергі келтірместен өте береді. Бүгінгі таңда білім ошақтары инновциялық қызметтің біздің әрі қарай дамуымызға ой салып, шығармашылық тұрғыда ойлануға үйрететін қашықтан үйретуші бағдарламалар да , қашықтан білім беру курстары, тренингтер, семинарлар, шеберлік-сыныптары, вебинарлар мен конференциялар,жаңа әдіс-тәсілдер т.б.толассыз артып келе жатыр. Оқушылар мен мұғалімдердің бір-бірінен кеңістікте алыстатылған оқу формасы. Мұндай оқыту оқу үрдісіндегі құралдар, әдістер, формалар арқылы педагогикалық қарым-қатынас мұғалім мен оқушы арасында жүргізілетінімен ерекшеленеді.

Педагогикалық технология – оқытушының кәсіби қызметін жаңартушы және сатыланып жоспарланған нәтижеге жетуге мүмкіндік беретін іс-әрекеттер жиынтығы. Педагогикалық технологиядағы басты мақсат – білім алушының оқу-танымдық әрекетін жандандыра отырып, алға қойған мақсатқа толықтай жету. Ал бұдан педагогикалық технологияның тиімділігі шығады.

«Технология» термині алғаш рет 1904-1950 жылдары шет елдерде пайда болды және ол педагогикалық процесте технологиялық құралдар мен оқыту бағдарламаларын пайдалануға байланысты болды. Технология – өнім алу барысында шикізаттың, материалдың немесе жартылай шикі заттың қалыбын, қасиетін, формасын өңдеу, әзірлеу не өзгерту әдістерінің жиынтығы.

Оқыту технологиясы оқыту мазмұнын жүзеге асыру жолындағы алға қойған мақсатқа жетудің тиімділігін қамтамасыз ететін оқытудың әдіс, құрал және түрлерінің жүйесі болып табылады. Қажетті мазмұнды, тиімді әдістер мен құралдарды бағдарлама мен қойылған педагогикалық міндетке сәйкес іріктей білу оқытушының педагогикалық шеберлігіне байланысты. Берілген анықтамалардан «технология» technе - өнер, шеберлік және logos - ғылым, заң, яғни технология дегеніміз шеберлік (өнер) туралы ғылым екенін білуге болады. «Педагогикалық технология» термині тек қана оқытуға байланысты қолданылады, ал технологияның өзі техникалық құралмен оқытуды түсіндіреді.

Мақсаты:Жаңа трендтер мен технологияларды пайдалану арқылы ауыл мектептеріндегі білім сапасын арттыру және оқыту тиімділігін арттыру. 

Басымдықтары:

1. Рухани құндылықтар дамыған тұлғаны қалыптастыру үшін жағдай жасау;
2. Көшбасшы-мұғалімдерді тиімді басқару;
3. Педагогтардың кәсіби даму маршрутын жасау;
4. Педагогтармен қарым-қатынас орнату және оны жетілдіру;
5. Педагогтардың жұмысын сандық-мультимедиялық құралдар арқылы тарату;
6. Жаңа қадамдарға ілесу және нәтижені көру;
7. Педагогтардың құзіреттіліктерінің оңтайлы көрсеткіштері.

Қадамдары:

1. Серіктес мектептердің педагогтарын анықтау, әлеуметтік мониторинг жүргізу;
2. Жобалық тәсіл,жаңа алаңдар, тиімді коммуникация,цифрлық технологиялар,әрекетке бағыттау және нәтиже.

Негізгі бөлім

Жаңа трендтер мен технологиялардың білім берудегі маңызы

Білім берудегі трендтер – бұл білім берудің өзгеру процестері. Соңғы он жыл бойында білім беру жүйесінде педагогикалық инновацияларды және компьютерлік әдістемені оқыту оқудың нәтижелері мен оның сапасын жақсарту мақсатында белсенді түрде енгізіліп келеді.

Заманауи білім жүйесінің талабы қоғамды тек керекті біліммен қамтамасыз етіп қана қоймай, қоғамдық құндылықтарды нығайту, ұлғайту, гуманизм мен азаматтықтың жағдайларын кеңейту өзекті мәселе етіп қойылуда. Бұл процесс үздіксіз жүреді, адамның әлеуметтену іске асырудың барлық кезеңінде жүзеге асырылады.

Қазіргі кезеңде қолданылып жүрген инновациялық технологияның негізіне жататындар: әрбір білім алушының жеке және дара ерекшеліктерін ескеру; білім алушылардың қабілеттері мен шығармашылығын арттыру; білім алушылардың өз бетінше жұмыс істеу, іздену дағдыларын қалыптастыру. Инновациялық технология түрлеріне: ынтымақтық педагогикасы; білім беруді ізгілендіру технологиясы; проблемалы оқыту технологиясы; тірек сигналдары арқылы оқыту технологиясы; түсіндіру басқарып оза оқыту технологиясы; деңгейлік саралап оқыту технологиясы; міндетті нәтижеге негізделген деңгейлеп саралап оқыту технологиясы; модульдік оқыту технологиясы; жобалап оқыту технологиясы.

Білім берудегі жаңалықтарды жіктеу барысында инновацияның адам қызметінің ең маңызды түрлерінің бірі екендігін ескерген жөн. Бұл қызметті қатаң шектеуге және бөлшектеуге болмайды. Білім берудің барлық құрамдас бөліктері мен аспектілеріне жаңалық енгізу қиын, тіпті мүмкін емес болғанымен, оларды бір құрамдас бөлікке біріктіру одан сайын қиынға соғады. Сондықтан, білім беру мазмұнындағы жаңалықтар міндетті түрде ұйыммен және тиісінше, жұмыс істеу әдістемесімен өзара ықпалдасып отырады.

Қазіргі кезеңде қолданылып жүрген инновациялық технологияның негізіне жататындар: әрбір білім алушының жеке және дара ерекшеліктерін ескеру; білім алушылардың қабілеттері мен шығармашылығын арттыру; білім алушылардың өз бетінше жұмыс істеу, іздену дағдыларын қалыптастыру. Инновациялық технология түрлеріне: ынтымақтық педагогикасы; білім беруді ізгілендіру технологиясы; проблемалы оқыту технологиясы; тірек сигналдары арқылы оқыту технологиясы; түсіндіру басқарып оза оқыту технологиясы; деңгейлік саралап оқыту технологиясы; міндетті нәтижеге негізделген деңгейлеп саралап оқыту технологиясы; модульдік оқыту технологиясы; жобалап оқыту технологиясы.

Бір ғана технология әр түрлі мұғалімдермен іске асуы мүмкін, бірақ оны іске асыру ерекшеліктерінде олардың осы педагогикалық шеберлігі және кәсіби іскерлігі көрінеді. Кейде “Шебер” мұғалім өз жұмысында бірнеше технологияның элементтерін қолданады, өзіндік әдістерді қолданады, бұл жағдайда осы мұғалімнің "авторлық" технологиясы туралы айту керек. Технология жасау шығармашылықсыз мүмкін емес. Педагогикалық технологияны өте жақсы меңгеру дегеніміз өзі – шеберлік. Технологиялық деңгейде жұмыс істеуді үйренген мұғалім үшін оның дамып келе жатқан жағдайындағы танымдық процесс әрқашан басты бағдар болады.

Өткен оқу жылында педагогикалық технологияны меңгерген ұстаздарым «Көптілділік-заманауи тұлға қалыптастырудың негізі» тақырыбындағы аудандық семинарда шеберліктерін дәлелдеді. Олар:

- дамытушылық оқыту;

- проблемалық оқыту;

- ұжымдық оқыту жүйесі;

- өнер тапқыштық міндеттерді зерттеу технологиясы ;

- жобалық оқыту әдістері;

- оқытуда ойын әдістерін қолдану технологиясы: рөлдік, іскерлік және оқыту

ойындарының басқа түрлері;

- ынтымақтастықта оқыту (командалық, топтық жұмыс; - ақпараттық-коммуникациялық технологияларды қолданды.

Әрқайсысы алдына қазіргі кезде өздеріне өте үлкен талап қойып отыр.Өзінің инновациялық іс -әрекетін қалыптастыруы, оны меңгеріп, сол жаңа педагогикалық технологияларды оқу-тәрбие үрдісінде жүйелі қолдануы арқылы оқушылардың білім деңгейін арттыруда. Жаңа педагогикалық технологияларды меңгере отырып, өз практикасында қолданып өз сабағын даму жағынан нәтижелі етіп келеді.

Қазіргі білім беру саласындағы инновациялық технологияларын меңгермейінше сауатты, жан-жақты білгір маман болу мүмкін емес. Осы орайда білім беру үдерісін оңтайландыруға ықпал ететін әр түрлі технологиялар бар. Цифрлық көмекшілердің көмегімен білім алу, білім берудегі маңызды, айқын трендтер бар.

- Bite-size технологиясы

- гамификация,

-мобильді оқыту,

- микро оқыту,

-әлеуметтік желілер

-кеңейтілген шындық

- Soft Skills.

  Оқытудың икемді форматтары

Әр оқушыға бағытталған тәсіл, жеке тұлғаның уәждемесін арттырады, оған оқу үдерісін басқаруға және оқудағы жетістіктерін бақылап отыруға мүмкіндік береді. Бұл сабаққа бар ынта-жігерімен қатысуға оң әсер етеді. Икемділік оқыту жүйесіне де таралады, әлемдегі университеттердің гибридті оқыту схемаларына бет бұруы бекер емес. Ол жағдайда ең әуелі теорияны платформада өз бетінше оқып танысады. Ал жанды дәрістердің өзі оқылған материалды талқылауға, сындарлы пікірталастарға, нақты жағдайларды талдауға, топтық тапсырмалар мен презентацияларды қарауға арналады. Бұл үрдіс болашақта тек күшейе түседі. Сандық технологиялардың дамуы, бір жағынан, жаңа мүмкіндіктерге жол ашады, екінші жағынан, біздің алдымызға жаңа міндеттер қояды. Ағымда болу үшін, тиімді және сұранысқа ие маман болу үшін үнемі оқып, дамып отыру керек.

Әлеуметтік желілер- ресурстарды білім мен тәжірибе алмасуға, яғни әлеуметтік оқытуға мұмкіндік береді. Әлеуметтік медиа, блогтар, бейнеблогтар-әлеуметтік медиа және бейнеблогтардың көмегімен оқыту. Тіпті Facebook, Instagram, Telegram таспасы оқу элементтерімен толығады: адамдар достарымен бөлісуге және есте сақтау үшін ақпаратты, мысалы, шетелдік сөздерді немесе ережелерді сақтауға дайын. Білім беруде өз сабақтарын ютуб каналдары арқылы таныстырады, қаралым тіпті саны кеңейіп, тәжірибе жинақтайды. Мұғалімдер оқушылардың шығармаларын, сабақтағы өнімін блогта жариялайды, бұл аудиторияның назарын олардың шығармашылығына аударады және мұғалім қолданған жаңа әдістерге деген қызығушылығын айқын көрсетеді.

Кеңейтілген шындық технологиялары- егер кеңейтілген шындық батыру әсерімен қоршаған ортаға еліктеуді жасаса, онда кеңейтілген шындық компьютерде жасалған ақпаратты бақылаушының табиғи сезімдерімен біріктіреді. Мұғалімнің сандық құрылғылар мен бағдарламалар арқылы жасалған және кескін сипатындағы объектілермен кеңейту. Оқу бағдарламаларымен бірге кеңейтілген шындықты пайдалану интерактивті орта құра отырып, мұғалімнің де, оқушының да оқу үдерісіне қатысуының жоғары деңгейіне қол жеткізуге мүмкіндік береді. Бұл мұғалімнің көкжиегін кеңейтіп, ынтасын оятып, оны тақырыпты тереңірек зерттеуге итермелейді. Білім берудегі кеңейтілген шындық технологиясының мүмкіндіктері мұғалімнің кәсіби дамудың анағұрлым мазмұнды және мамандандырылған бағдарламаларын ұсынуға мүмкіндік беретінін көзіміз жетті.Кеңейтілген шындық смартфон арқылы оқу-үдерісіндегі іс-әрекетті көре аламыз.

SOFT SKILLS  қаншалықты маңызды және қажетті?

  Педагогтардың икемді дағдыларын қалыптастыруда эмоция, орта атмосферасының ықпалы мұғалімнің қызығушылықпен жұмыс істеуі және сыни ойлауларының қалыптасуына негіз болады. Мұғалімдердің сөйлеуінде,іс-қимыл әрекетінде белсенділік олардың рефлексия біліктерін дамыту үшін әлі де болса жұмыс жүргізуін талап етеді. Мұндағы мақсат мұғалімдердің кәсіби дамуы мен мұғалім міндетін атқара алуы болды. Ұжымда бір-бірімен байланыс орнатып, өзгелердің пікірін тыңдап, іс-тәжірибемен алмасуы, біртұтас педагогикалық процеске қатыстылардың барынша жоғары нәтижеге жетуді көздеген мақсатты, сапалы өзара әрекеттесуі.Жасалған әрбір игі істің бастамасында нәтижеге қол жеткізуде бірқатар кемшіліктердің де орын алатыны мәлім. Мектеп педагогтарының үздіксіз білім алуына жол ашу, икемді дағдыларды дамытуымен сипатталады.

Жаңа ақпараттық коммуникациялық технологияларды сабақта пайдаланудың тиімділігі

Жаңа ақпараттық коммуникациялық технологияларды сабақта пайдалану:

1. Оқушының еркін ойлауына мүмкіндік береді;
2. Ақыл-ойын дамытады;
3. Шығармашылық белсенділігін арттырады;
4. Ұжымдық іс-әрекетке тәрбиелейді;
5. Тіл байлығын жетілдіреді;
6. Жан –жақты ізденушілігін арттырады;
7. АКТ құзіреттілігін арттырады.

А) Жасанды технологияны биология сабағында қолдану

1.Blokchain технологиясы. Blokchain-биткойн немесе оның баламасы жүйесінде транзакциялары тобын жазуға арналған арнайы құрылым. Қарапайым тілмен айтқанда, сіздің өміріңізге қатысты барлық шынайы дерек, жазбаларды тізбектеп сақтау технологиясы, туған сәтіңізден бастап ешбір дерек тыс қалмайды. Blokchain технологиясын қолданушыларында әрқашан Blokchain мәліметтерінің көшірмесі бар компьютер жүйелері болады. Негізі, мұнда бүкіл блоктың көшірмесі болады, бірақ ыңғайлы болу үшін тек керекті мәліметтердің копиясын ғана сақтауға болады.

2. D-ID технологиясы –жасанды интеллектінің көмегімен бейне жасау платформасы.сабақтың тақырыбын жазасыз, мысаы бүйрек туралы болса бүйрек мүшесінің бейнесін жасап шығарады. Бүйректі қимыл-қозғалысқа келтіреді. Бұл платформаға нақты тапсырма бересіз. Жауабы да нақты болады.

3.Bing Al платформасы- мәтінге сай картинка жасайды.

Ә) Цифрлық платформа математика сабағында.

1.Khan Academy. Бұл платформа математиканың барлық деңгейлерін қамтитын бейне мазмұндар, жаттығулар, және тесттер ұсынады.оқушылар өздерінің прогресін бақылап, түсініктерін нығайта алады.

2.Prodigy. Ойын форматындағы математикалық жаттығулар арқылы оқушылардың дағдыларын дамытуға арналған платформа. Ойын элементтері оқушыларды қызықтырады және ынталандырады.

3. Easy Quizzy бағдарламасын күнделікті сабақта аз уақыт іінде оқушылардың білімін тексеруге, емтиханға дайындық кезінде білімдерін тексеруге өте ыңғайлы программаның бірі.

4.Kahoot. Интерактивті тапсырмаларды жасау үшін жарқын, қарапайым, тегін қызмет түрі. Бұл сервисті сыныпта әр түрлі викториналардыы, пікірталастарды, тестілер мен сауалнамаларды өткізу үшін қолдануға болады. Бұл цифрлық платформаларды күнделікті сабақта қолданар болсақ балалардың ойлау, есте сақтау қабілеттерінің артқанын байқауға болады.

Қорытынды

Заманауи ақпараттық технологиялар ғасырында әр ұстаз өзіне қажетті және қызықты нәрселермен шығармашылық тұрғыда айналыса алады. Оқытуда ұстаз бен оқушы арасы қашық демесеңіз, ұстаз бен оқушы арасы бір-ақ қадам. Бірінші кезекте әр оқушыны, тәрбиеленушіні ойлаймыз. Байқағанымыз білім алушылардың виртуалды байланысып, қашықтық олимпиадалар мен байқауларға белсене қатысып, оқуға деген мотивациясын, берілген тапсырмаларды шығармашылықпен орындап, жоғарылағанын көре алдық.

Ақпараттық технологиялар оқушылар үшін білім, білік, дағдыны игерудегі қажетті ресурс болып отыр. Сонымен қатар, түрлі платформаларда жұмыс жасаудағы сандық-мультимедиялық құралдары оқу-тәрбие үрдісін ұйымдастыру тиімділігін арттырудың қуатты құралы. Бір сөзбен айтқанда оқушы-ұстаз-ата-ананың компьютерлік және ақпараттық сауаттылық білігі артады. Жұмыстағы ең басты сөз-мүмкіндік. Жақсы ұстаз кез- келген жерде онлайн, офлайн жұмыс жасай біледі. Бүгінгі мұғалім жан-жақты, ашық диалогқа дайын, креативті, шынайы ақылды білім альтернативаларын заманауи тиімді қолданатын сонымен қатар блогерлер. Қысқа уақыт ішінде елеулі нәтиже көрсетуде. Мектеп оқушыларының білімдегі олқылықтарын түзеу, білім шығынын толтыруда оқытуда өзіндік жұмыстары кеңейе түсті және    мультимедиалық құралдарды ұтымды пайдалануда. Оқыту жағдайының қолайлығы:-психологиялық жайлылық, өз сандық-мультимедиялық құралдарымен үйреншікті қалыпта оқу,оқытудың арнайы мерзімдері және шапшаңдығы,дербестіктің жоғары үлесі,уақыт шектеуін жеңу.

Әр баланың әлеуметтік, әсершіл, танымдық даму процестеріне бағытталып, жан-жақты болып ескерілуі, ата – аналармен мұғалімдер, мұғалімдер мен білім алушылар арасындағы бірлескен белсенді қарым-қатынастың қамтамасыз етілуі, оқып үйренудің маңыздылығын айтып отыру керектігі. Оқушылардың тиімді білім алуына және табысқа жетуіне қолайлы жағдай туғызылуы. Мұғалімнің кәсібилігіндегі үш басымдық:жалпы азаматтық сапа, мұғалім мамандығын анықтайтын сапалар,пән бойынша білім, іскерлік, дағды. Осы сапалар арқылы мұғалімнің еңбекке деген уәжі, кәсіби шеберлігі,қарым-қатынасы көрінеді. Қазіргі мұғалім – рухани дамыған əрі əлеуметтік тұрғыдан есейген, педагогикалық құралдардың барлық түрлерін шебер меңгерген білікті маман, өзін-өзі əрдайым жетілдіруге ұмтылатын шығармашыл тұлға. Ұстаз ешнәрседен тыс қалмай өзін-өзі ылғи да ілгері жылжытып отыратын болса, жұмыста оң нәтиже болады.

Күтілетін нәтиже педагогтарының жеке тұлғалық дамуында әріптестер арасында икемді дағдылар арқылы  тиімді қарым-қатынас және ынтымақтастықтың жақсаруына ықпал етіледі. 

Өзара қатынастың педагогикалық ұжымның тұрақтылығына ықпал екі жақты сипат алады. Бір жағынан ұжымішілік қатынас, ұжымның тұрақтылығын білдірсе, екінші жағынан педагогикалық ұжымдағы тұрақтылық педагогтардың өзара қатынасының сипатын айқындайды. Жетістік-әрекетте, жетілу-мақсат, ізгі мұрат жолында еш аянбау бүгінгі педагогтардың міндеті.

Барлық жаңа технологиялар мен білім берудегі трендтерді қолдана отырып, білім алушының жеке басының дара және дербес ерекшеліктерін ескеріп, олардың өз бетінше ізденуін арттырып, шығармашылықтарын қалыптастырады. Оқытуды ізгілендіру, өздігінен дамитын, дұрыс шешім қабылдай алатын, өзін-өзі жетілдіріп тәрбиелеуші тұлға қалыптастырады.

Қазіргі білім беру саласындағы трендтер мен жаңа технологияларды меңгермейінше сауатты, жан-жақты білгір маман болу мүмкін емес. Инновациялық технологияны меңгеру оқытушының зейін-зерделік, кәсіптік, адамгершілік, рухани, азаматтық және басқа да көптеген ұстаздық келбетінің қалыптасуына игі әсерін тигізеді, өзін-өзі дамытып, оқу-тәрбие процесін жүйелі ұйымдастыруына көмектеседі. Ең бастысы- тиімді білім беру технологиялары мен мұғалім тұлғасының үйлесімі деп есептеймін.

Әдебиеттер тізімі

1. Бабаев С., Қазиева К. Педагогикалық инновациялар мен педагогикалық озат технологиялар — талапшаң мұғалім еншісі // Бастауыш мектеп. — 2011. — 25-б.
2. Қазақстан Республикасының «Білім туралы» Заңы // Қазақстан мұғалімі. — 1999. — 23 шілде. — 2–5-б.
3. Рысбаева А.Қ. Педагогикалық процесс субъектілерінің табысты іс-әрекетіне интерактивті оқытудың ықпалы. - Алматы, 2008, 80б.
4. Абуов А.Е. Мектептің оқу-тәрбие үрдісінде білім беруді, инновациялық технологиясын пайдаланудың педагогикалық шарттары. Пед.ғ.к. дисс ... - Шымкент. 2005. - 151 б.
5. Көшімбетова С.А. Оқу-тәрбие үрдісінде оқытудың инновациялық әдіс-тәсілдерін пайдаланудың педагогикалық шарттары. Пед.ғ.к., дисс ... Алматы, 2004.-132 6.
6. Исаева З. Digital Kazakhstan: Жаңа замандағы білім беру. Ыбырай журналы 08.08.2024 ж, 34-35 б.