Артық ғылым кітапта, ерінбе оқып көруге. Абай Құнанбайұлы

Елбасы Н.Ә. Назарбаев Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «Білім беру реформасы – Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» деп атап көрсетті. Қазақстан Республикасының Білім туралы заңында: «Білім беру жүйесінің басты міндеттерінің бірі – білім беру бағдарламаларын меңгеру үшін жағдайлар жасау керек» – деп көрсетілген. Қазіргі білім беру мазмұны жаңарып, жаңа көзқарас пайда болып, оқытудың жаңа технологиясы өмірге келді. Яғни педагогикалық технология ұғымы іс-әрекетімізге кеңінен еніп, қолданылуда. В.Кларин технология сөзінен қандай да болсын істегі шеберлікті, оқыту-үйретудегі амалдардың жиынтығы – деп, ал педагогикалық технология (тәрбие технологиясы, қарым-қатынас технологиясы, оқыту технологиясы) «педагогикалық мақсатқа қол жеткізу жолындағы барлық қисынды ілім амалдары мен әдіснамалық  құралдардың жүйелі жиынтығымен жұмыс істеудің реті» – деп түсінік берді. Педагогикалық жаңа технология – іс-әрекетке, оқыту барысында жүзеге асатын педагогикалық жүйе. Ол дара тұлғаны жетілдіруге, белгілі бір мақсатқа жету жолында арнайы ықпалды ұйғаруға қажетті байланысқан әдіс – тәсілдер. Солардың бірі білім беруді ақпараттандыру барысында дидактикалық және оқыту құралы болып компьютер саналады. Сондықтан кез келген білім беру саласында мультимедиялық электрондық оқыту құралдары барлық пәндерді оқытуға пайдаланады. Білім алушылардың қызығушылығын  арттыру үшін Activ Inspire бағдарламасының мүмкіндіктері көп. ActivInspire-интерактивті тақтаны қолданудың компьютерлік  бағдарламасы. Интерактивті тақтаны пайдаланып:

1. Компьютердегі барлық офис бағдарламаларын пайдалану
2. АKTIV board пайдалану
3. АKTIV studio қолдану
4. АKTIV ote пайдалану
5. АKTIV tablet пайдалану
6. Web камера арқылы сабақтың кезеңдерін түсіру.
7. Электрондық оқулықтарды қолдану.

ACTIVstudio программасы арнайы презентацияларды  өткізуге және оны сабақ барысында қолдануға негізделген программа. Бұл программа  ACTIVboard және ACTIVpen қаламымен жұмыс жасау үшін жасақталған. ACTIVstudio программасының мүмкіндіктері өте көп. Атап айтқанда,  презентацияларды құруға, өткізуге, материалдарға арнайы эффектілер қосуға, негізгі кезеңдерді көрсетуге, көрсеткіштерді қосуға, қосымша ақпараттарды енгізуге және басқа да көптеген мүмкіндіктері бар. Интерактивті құралдардың келесі ерекшеліктерін атап өтуге болады:

1. Бормен тақтаға жазылған кескінді интерактивті тақтадағы түрлі-түсті  айқын, ұқыпты кескінмен салыстыруға болмайды.
2. Тақта мен бордың көмегімен әр түрлі қосымшалары бар жұмысты түсіндіру қиын әрі мүмкін емес.
3. Слайдтарда, флипчартта қателер жіберілсе, тез арада түзетуге болады.
4. Сабақта ACTIVote тестілеу жүйесі арқылы тест алу мүмкіндігін қолдануға болады.
5. ACTIVwand указкасының көмегімен тақтаның жоғарғы бөлігіне кішкентайларға да қол жеткізуге мүмкіндік береді.
6. Сабақта көрнекілікті қолдану деңгейі артады.
7. Сабақтың өнімділігі артады.
8. Білім алушылардың білім деңгейіне оң әсер етеді.

Мысалы: мұғалімнің баяндап тұрған жаңа материалын түсіну үшін, білім алушының оны зейін қойып тыңдауы, алған білімін кеңейту үшін өздігінен кітап оқып, бақылау тәжірибе жасау сияқты жұмыстар жасауы қажет. Өйткені өтілген материалдарды саналы қайталауда, жаңадан білім алуда, оның жолдары мен дағдыларына үйренуде белсенділіксіз мүмкін емес. Яғни білім алушының белсенділігі оқу үрдісінің барлық кезеңінде орын алуы қажет. Сабақ барысында білім алушының бойында танымдық белсенділік пайда болса, білім алушылардың ақыл - ой қабілеттерінің мынадай элементтері дамиды: зеректілік, байқағыштық, ойлау және  сөйлеу дербестігі. Яғни білім алушылардың өз бетімен ізденушілік қабілеттері пайда болады. Қытайдың бір нақыл сөзінде: «Маған айтшы - мен ұмытып қаламын; маған  көрсетші - менің есімде қалады; өзіме  істетші - мен сонда түсінемін» делінген.  Қазіргі  заманғы  білім беру талаптарына сәйкес білім алушылар өз бетімен ізденуі керек. Пайдаланылған әдебиеттер тізімі:

1. aqiqat.kazgazeta.kz/news/1005646
2. emirb.org/sapasin-damitu-joldari.html?page=2046
3. www.tarbie.kz/2565641
4. zkoipk.kz/ru/2016smart3/2525-conf.html35
5. bilimger.kz/51702/