Тренинг: Қалай оқу керектігін үйренудің мәні

Тренинг
Тренинг: Қалай оқу керектігін үйренудің мәні

Мақала авторы: Мамиева Джамал Германовна
Жұмыс орны: КГУ "Общеобразовательная средняя школа №6"
Лауазымы: учитель информатики
Порталға жариялану мерзімі: 10.01.2017


8-күн 1-2 сабақтар
Тақырыбы: 1-2 сабақтар Қалай оқу керектігін үйренудің мәні. Мұғалімнің оқушылардың қалай оқу керектігін үйрену қабілеттерін дамыту жөніндегі әрекеттері.
Мақсаты: Мұғалімдер балалар өз оқуы туралы білетін және өзінің эмоцияларын, ынтасы мен әлеуметтік қарым-қатынасын басқару үшін көбірек мүмкіндік алатын, өзін-өзі реттейтін оқушы ретінде дамуына ықпал ететін шарттар мен факторларды зерделейді.
Оқу нәтижесі: Мұғалімдер өзін-өзі реттейтін оқудың мәні мен маңызды туралы қорытынды жасайды. Оқушылардың өзін-өзі реттейтін оқуын көрсететін мінез-құлықты бақылайды және бағалайды. Сонымен қатар өзін-өзі реттейтін оқуға ықпалын тигізетін кәсіби тәжірибе түрлеріне талдау жасайды.
Түйінді идеялар: Тіпті кішкентай балалардың өздері, тиісті жағдай жасалса, өздерінің оқуы үшін үлкен жауапкершілік алуға қабілетті. Балалар ерте жастан бастап оқу үдерісін түйсіне бастайды, оқу тапсырмаларын орындағанда өз тәсілдерін қолдана біледі, сондай-ақ өздерін жақсы оқушы ретінде ұсына алады. Өзін-өзі реттеу мен метатанымдық қабілеттерді дамыту баланың алғыр оқушы болу ықтималдығының негізгі көрсеткіші болып табылатынын көрсетті. Мұғалімдер жоғары сапалы педагогикалық тәжірибенің көмегімен осы салаға барынша мол үлес қоса алады.
Ресурстар Интербелсенді тақта, үлестірме материалы, маркер, флипчарт, смайлик, фишкалар
 

Сабақ барысы:

1-2 сабақтар кезеңдері Тренердің іс-әрекеті Мұғалімнің іс-әрекеті
Ұйымдастыру Тренердің кіріспе сөзі. Дүниеде мұғалімдіктен құрметті мамандық жоқ. Бұл өте қиын, күрделі міндет. Нағыз мұғалім өзі оқытатын пәнді, соған байланысты ғылым саласын терең білумен сол білімін балаларға дұрыс жеткізумен көзге түсіп ерекшеленеді. Оқушылардың интеллектуалдық дәрежесінің күннен-күнге артуына байланысты мектепте жұмыс істеу барған сайын күрделеніп келеді. Қазіргі заман талабына сай білімді, интеллектуалды, ғылым мен техникадан, өнер мен саясаттан хабары бар, жан-жақты мінезге бай мұғалім жоғары бағаланады.
Амандасу * Әріптесіңізді кездестіргендей бір-біріңмен амандасыңыз.

* оқушыны кездестіргендей бір-біріңмен амандасыңыз.

* Директорды кездестіргендей бір-біріңмен амандасыңыз.

* Жақын адамыңызды кездестіргендей бір-біріңмен амандасыңыз.

Қатысушылар айтылған әрекеттерді орындайды
Мұғалімдерді топқа бөлу. кітап, қоңырау және глобустың суреттері берілген. Топқа бөлініп, орындарына отырады
«Ой толғаныс» Суреттерді сөйлету Үлестірмелі суреттер салынған парақтар әр топқа таратылады 1-тапсырма. Ақ қағазға сызылған төртбұрыш ішінде қара нүкте орналасқан. 2-тапсырма. Оның болашағы да соншалықты жарқын шуағын төккен күн астына әр ұлттың балалары қол ұстасып тұрғаны бейнеленген. 3- тапсырма. Түнгі аспан, жымыңдаған жұлдыздар, жарығы сөнбеген бір үй бейнеленген. Тыңдаушылар үлестірмелі суреттерге қарап, өмірмен, мектеппен, ата-анамен байланыстырып сөйлемдер құрайды
Жауаптары слайддан көрсетіледі. Кілті: 1-тапсырма бойынша: «Ортасында қара ноқаты бар үлкен ақ кеңістік. Бұл бала алғаш дүниеге келгенде осы ақ қағаздай пәк, сол қағазға ата-анасымен бірге біздер, яғни ұстаздардың салған бейнеміз қаншалықты дұрыс болса, сол нәтижесімен салыстыруға болады». 2-тапсырма бойынша: «ұлты басқа болғанымен, бұл балалардың жан дүниесі бірдей, сондықтан да ұлағатты ұстаз оларға күн сәулесіндей, бірдей мөлшерде мейірім шуағын төгеді». 3-тапсырма бойынша: «Түн. Айнала жым-жырт. Аспанда жымыңдаған жұлдыздар. Түгел ел ұйқыда, бірақ ояу бір кісі бар. Бұл мұғалім. Ол қанша жыл ұстаз болғанымен, мектепте де, үйде де ертеңгі сабағына үлкен жауапкершілікпен дайындалып келеді…» Тыңдаушылар салыстырады
Миға шабуыл Сіз оқушыларды оқуға байланысты қандай топтарға бөле аласыз?

Сіз оқушыларды әлеуметтік қызметіне байланысты қандай топтарға бөле аласыз?Сіз оқушыларды талаптарының деңгейіне байланысты қандай топтарға бөле аласыз?

Қандай оқушыларды сіз тәуелсіз деп атай аласыз?Мұнда өзін-өзі реттеудің рөлі неде?

Тапсырма — 3-5 жастағы балалардың өздігінен білім алуын тексеру парағы

-Өзін-өзі реттеудің дәлелдері

Ресурстармен жұмыс
Мағынаны тану Бейнеталдау «Жердегі жұлдыздар» (Звёздочки на земле)  үнді фильмі көрсетіледі Мұқият көріп, топтарында талдайды
Фишбоун стратегиясы. «Сен өзгерсең, сенің әлемің де өзгереді» атты әңгімеден алған әсерлерімен топқа талқылауға ұсыну. Қиындықты және проблеманы шешу жолдары. Тобымен ақылдасып шешеді.
Сергіту сәті. «Өзіңді тереңірек тани біл!» Нұсқау: Сіздер көрсетіліп тұрған жеміс-жидектерден өзіңізге ұнайтын бір жемісті таңдаңыз. Сол жеміс арқылы сіздің мінез-құлқыңыз қандай екені анықталады. Таңдаған жеміс-жидектің өзіңізге ұнайтын себебін түсіндіріңіз.
«Құмырадағы сынық» Бейнероликті тамашалап болғаннан соң, іс-әрекет алдындағы толғанысты жүзеге асыру үшін мұғалімдерге төмендегі сұрақтар қойылады: а) Құмырадағы сызатты адам бойында кездесетін кемшілікпен салыстыруға бола ма? ә) Жарық құмыра туралы ойыңыз қандай? б) Құмыраны жөндеуге бола ма, болса қалай? Қойылған сұрақтарға топ мүшелері бірлесе отырып ақылдасып, келісіп, ортақ шешімге келіп, өз ойларын ортаға салады.
Іс-әрекет үстіндегі толғаныс Синектің НЕГЕ, ҚАЛАЙ, НЕ конустық метафорасына орналастыру. 1. НЕГЕ барлық оқушылардың білім сапасы бірдей емес? 2. ҚАЛАЙ көмектесуге болады? 3. НЕ істеу керек?
Педагогикалық қабілетті психологиялық тұрғыдан зерттеу. Нұсқау: Сіздердің алдыңызда күрделенген педагогикалық жағдайлар қатары берілген. Әр берілген жағдайды оқи отырып, өз педагогикалық пайымдауыңыз бойынша көрсетілген нұсқаулықтың біреуін таңдайсыз. Егер берілген нұсқаудың ешқайсысына көңіліңіз толмаса, онда жетінші нұсқауға өзіңіз дұрыс деген ойыңызды білдіріңіз.

1- жағдаят: Сіз сабақ берген бірінші күніңізде немесе бірнеше күннен соң, оқушы сізге: «Менің ойымша, сіз мұғалім ретінде бізге ештеңе үйрете алмайсыз», — деді. Сіз не деп жауап бересіз? 1. «Сенің ісің мұғалімге үйрету емес, өзің оқуың керек»… 2. «Әрине, мен сендейлерге ештеңе үйрете алмаймын»…. 3. «Саған басқа сыныпқа ауысып, басқа мұғаліммен оқуың керек шығар….». 4. «Шындығына келгенде, сенің оқығың келмейді,…. 5. «Неге олай ойлайтыныңды білгім келеді…». 6. «Бұл туралы нақтырақ сөйлессек қайтеді? Мүмкін мен бір нәрсені дұрыс істемегендіктен сенде осындай ой туып отырған шығар?». 7. –

2- жағдаят: Оқушы оқу үлгеріміне, қабілетіне көңілі толмай және жаңа тақырыпты дұрыстап түсіне алмай, мұғалімге: «Мұғалім, мені келешекте жақсы оқып, сыныптағы басқа балалардан озады деп ойлайсыз ба?» Мұғалім не деп жауап беруі керек? 1. «Шынымды айтсам, күмәнім бар .. 2. «Әрине, сен бұған күмәнданбай -ақ қой». 3. «Қабілетің жақсы, мен сенен үлкен үміт күтемін». 4. «Неге сен өз-өзіңе сенбейсің?». 5. «Сөйлесіп, қиындықтың неде екенін анықтап алайық». 6. «Бәрі екеуміздің бірігіп жұмыс істегенімізге байланысты». 7. –

3- жағдаят: Оқушы мұғалімге осы пәнді дұрыс түсіне алмайтындығын айтып: «Мені не алаңдататынын айттым, мұның себебін және не істеу керектіген айтыңыздаршы». Мұғалім не деуі керек? 1. «Меніңше, сенің өзіңе көңілің толмайтын сияқты» 2. «Бұған алаңдайтын еш нәрсе жоқ» 3. «Мен бұл туралы өз ойымды айтпас бұрын жағдайды тереңірек біліп алуым керек» 4. «Шамалы күте тұрайық, біраз жұмыс істеп алып, бұл жағдайға қайтып оралайық» 5. «Мен саған қазір жауап бере алмаймын. Сәл ойлануым керек.» 6. «Алаңдама, менде де, сендей кезімде дәл осындай қиындық болған» 7. —

Жігерлендіру «Зарядись на успех» Мақсаты:мұғалімдерді сабақтан кейін жігерлендіру үшін. Бейне фильмнің мағынасын түсінеді. Жігерленеді, ойланады
Қорытынды ой. Білімді, сауатты адамдар – XXI ғасырда адамзат дамуының негізгі қозғаушы күші. Бұл туралы Абай атамыз: «Тегінде, адам баласы, адам баласынан ақыл, ар, мінез деген нәрселермен озады. Одан басқа нәселермен оздым ғой демектің бәрі бекер», — деген өсиетін ұстанып, еңбек етуіміз қажет. Тыңдайды

abay-19.MP3

Рефлексия. «Алақан»

Сол қолын қағазға бастырып,саусақтардың ішіне жазу керек:

Бас бармаққа — не ұнағаны

Сұқ саусаққа — өзіме не алдым

Ортанғы саусаққа — не кедергі болды.

Аты жоқ саусаққа — тағы не білгім келеді?

Шынашаққа — тілек жазу.

Өздерінің сабақ соңында қай жерде тұрғанын белгілейді

 

 

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz