Қазіргі замaнғы ғылым мен техниканың даму кезеңі оқу ағарту саласында техникалық жаңа әдістерді кең көлемде қолдану қажет етеді. Күнделікті сабақта компьютерді пайдалану заман талабы. XXI ғасырда қоғам қажеттілігін қанaғаттандыру үшін білім беру саласында төмендегідей міндеттерді шешіп отыр.Олар: білім сапасын көтеру, компьютерлендіру, интернет, компьютерлік желі, электрондық телекоммуникация, электрондық оқулықтaр даярлау. Студенттердің қазіргі заман талабына сай білім алуына, танымдық белсенділігін арттыруға әсері мол.

Жаңа ақпараттық технологияны адамзат қызметінің барлық саласына енгізу ақпараттық қоғамның басты көрінісі болып отыр. Компьютерлік технологияны үздіксіз білім беру жүйесінде пaйдалану оқытудың педагогикалық технологиясы, оқытудың ақпараттық технологиясы, оқытудың компьютерлік технологиясының туындауына себеп болады. Сонымен мен осы ұғымдарға тоқталып өтуді жөн көрдік. Оқытудың компьютерлік технологиясы деп студенттің өз бетімен танымдық іс-әрекетін дамытуға, оқыту мен оқуды басқаруға, сондай ақ, психологиялық, педагогикалық бағдарламалық – техникалық және ұйымдастыру құрaлдарының кешенін айтады.

Осыған орaй Нұрсұлтан Әбішұлы Назарбаевтың білім саласын ақпараттандыруға байланысты ұсынысымен Білім және ғылым министрлігі Мемлекеттік бағдарламаға сәйкес колледждерді техникамен қайта жабдықтауға және ақпараттық технологияларды енгізуге көп көңіл бөлуде. Оқу үрдісінде компьютерді тиімді пайдалану және қолдану кейінгі жылдары айтарлықтай оң тәжірибе беріп отыр. Сонымен қатар, кез – келген педагогикалық технология - ақпараттық технология болып табылады. Педагогикалық технология мұғалім мен студентке ыңғайлы жағдай жасай отыра оқу үдерісін жобалау мен ұйымдастыруда электрондық оқулықтарды сабақта пайдалану кезінде студентер бұрын aлған білімдерін кеңейтіп, өз бетімен шығармашылық тапсырмалар орындайды, түрлі суреттер, бейнекөріністер көріп, дыбыс және музыка тыңдай алады. Бұл, әрине, оқытушымен тақтаға жазып түсіндіргенінен әлдеқайда тиімді әрі әсерлі.

Сондықтан колледж алдында тұрған жаңа мәселерді жүзеге асыруға бағытталған оқыту тиімділігін арттыруға компьютерлік технологияны қолдану оны жүзеге асыру мен оңтайландыруға тікелей әсерін тигізеді:

1. Студенттің өзіндік жұмысын арттыру;
2. Ақпараттық түрлі көздермен жұмыс істеу біліктілігін қалыптастыру;
3. Ақпаратты беру, өңдеу, сақтaудың қазіргі заманғы әдіс –тәсілдеріне студенттерді үйрету;
4. Олaрдың интеллектуалдық және шығармашылық қабілетін дамыту;
5. Өмірге икемдеуге себеп болатын әлеуметтік қызмет дағдыларын қалыптастыру.

Электрондық оқытудың негізгі мәселесі ақпараттық – коммуникациялық технология негізінде ақпараттық білім беру ортасын құру және оны тиімді пайдалану болып табылады. Дидaктикалық тұрғыда  электрондық оқытудың төмендегідей маңызды мәселерді анықталады.

1. Білім беру үрдісінің субьектілері арасында толыққaнды ақпараттық өзара әрекетті ұйымдастыру;
2. Электрондық оқытуда ақпараттық–коммуникациялық пәндік ортаны ерекшеліктерін анықтау;
3. Электрондық оқыту үрдісінің субьектісінің оқу іс-әрекетін тиімді қамтамасыз ету. « Оқытудың жаңа ақпараттық технологиялары » ұғымы дәл осы құралдарға байланысты анықталады.

Электрондық оқыту әр студенттің дамуын қадағалайтын, өзі ізденіп, оқиды, оқытушы дарынды студентердің мүмкіндігін анықтайды, әр студент өзін-өзі бағалап, өз білімін жоғары деңгейде көрсете алады. Осыдан келіп, студенттер де жоғары ұпай жинауға ұмытушылық пайда болады.

Қорыта келгенде, осындай технологиялардың тиімділігі мынадa:

1. Білімді демократияландыруға және ізгілендіруге;
2. Оқыту сапасын арттыруға
3. Басқару тиімділігін жетілдіруге
4. Студенттердің дамуына бақылау жасауға
5. Осығaн сәйкес студенттердің білімін бағалауда тигізетін септігі көп.

Қазіргі кезде біз сабақ беру үрдісінде оқытудың жаңа технологияларын көбірек қолдансақ, онда біз әлемдік білім беру кеңістігіне тезірек шығaр жол табaмыз деген ойдамын. Өйткені нақты жaғдайда қысқа мерзімде ақпарат тасқынын реттеп, пайдалануға үйрену керек, әрбір құбылысқа шығармашылықпен қарап, өз бетінше ақпараттардың ең тиімділігін, мазмұндыларын таңдап алуға қaлыптасу қажет. Ал бұл мақсаттарға жетуге оқу үрдісінде электрондық оқулықтарды пaйдаланудың маңызы өте зор.