Қашықтықтан оқыту — педагог пен білім алушы арасында қандай да бір қашықтықта ғаламтор ресурстары арқылы өткізілетін оқытудың формасын айтады.
Қашықтықтан оқыту кез-келген уақытта және компьютер мен ғаламтор бар кез-келген жерде оқуға мүмкіндік береді. Педагог пен білім алушы арасындағы диалог бейнеконференция, топтық чаттар, презентациялар, тесттер, бейнероликтер арқылы жүзеге асырылады. Сонымен қатар, сабақты қайта-қайта қарау мүмкіндігі арқасында жоғары тиімділікке қол жеткізіледі. Қашықтықтан оқыту ғылыми кітапханалардың электрондық ресурстарына (www.okulyk.kz, www.kitap.kz ) кедергісіз қол жетімділікті қамтамасыз етеді.
Қашықтан оқыту барысында бірнеше ғаламтор-платформаларын қолданамын. Біріншіден, ол – mektep.edu.kz. Оқушылар мен ата-аналардың басым көпшілігі бұл жүйені біледі. ok.edus.kz порталы оқушы үшін сабақтарды игеруге, үй тапсырмаларын орындауға арналған. Екінші білім беру платформасы – bilimland.kz. Үшіншісі – daryn.online, www.opiq.kz және басқа жүйелер. Оларда дайын бейнесабақтар, мультимедиялық ресурстар бар. Аталған ғаламтор-платформалар барлық ғылымдар мен пәндер бойынша қажетті білімді алуға мүмкіндік береді. Тапсырмалар, тақырыпқа байланысты Youtube видеосабақтар сілтемесін жіберу және қабылдау үшін WhatsApp, Telegram мессенджерлер көмегімен жүзеге асырамын.
Google forms, quizizz.com арқылы өзіндік жұмыстарын өткізудемін. Оқушылар код теру арқылы, берілген тестті онлайн режимде орындай алады, нәтижесін қадағалап отырамын.
Қашықтықтан оқуға көмекші құралдар: Zoom, Bandicam, TechSmith Camtasia және т.б.
Жаңа форматтағы қашықтықтан оқыту жүйесі тек ұстаздар қауымы үшін ғана емес, ата-аналар мен оқушыларға да пайдасы бар. Еліміздің алдағы уақытта өркениетті мемлекеттер қатарынан көрінуі, білімді әрі білгір ұрпақты тәрбиелеу заман талабына сай білім алудан, жаңашылдықтан бастау алатынын айтқым келеді.