Менің Отаным-Қазақстан

Тәрбие сағаты
Менің Отаным-Қазақстан

Мақала авторы: Айтолқын Мешитханқызы Сейтханова
Жұмыс орны: «Маяковский атындағы орта мектебі» КММ
Лауазымы: мектепалды даярлық тобының тәрбиешісі
Порталға жариялану мерзімі: 30.11.2016


Мақсаты: Ертеңгі  ел болашағы болып табылатын жас бүлдіршіндерге өз елі, Отаны , рәміздері ,  тарихы туралы түсінік бере отырып, оларды отансүйгіштік патриоттық сезімге тәрбиелеу, ой – өрісін дамыту, сөздік қорын молайту.

Әдіс- тәсілдері: түсіндіру, ойын, сұрақ- жауап, әңгімелеу, сергіту,  щаттық шеңбері.

Көрнекілігі: Қазақстан Республикасының картасы, Қазақстан республикасының мемлекеттік рәміздері слайд-шоу, Астана қаласыны         ң көрнекі жерлерінің суреттері , бейнетаспа.

Оқу іс- әрекетінің барысы.

Шаттық шеңбері.

Көк аспанда күн күлсін,

Бірге күлсін бүлдіршін,

Ұл қолында ту жүрсін !

Қыз қолында  гүл жүрсін!

Бірге күлсін бүлдіршін.

-Балалар  , қане , кім айтады, Отан дегеніміз не?

-Отан дегеніміз , адамның туып өскен жері , халқы.

Сұрақ- жауап .

-Біз қандай          ұлтпыз?

-Қазақ

-Балалар,  біз қай елде тұрамыз?

-Қазақстан Республикасында тұрамыз.

-Балалар , Қазақстан Республикасы егеменді , тәуелсіз ел. Биыл тәуелсіз , егеменді  еліміздің  25 жылдығын тойлағалы отырмыз. Әрбір егеменді елдің өзінің рәміздері болады. Олар: әнұран , Елтаңба , ту.

Ізденушілік ұйымдастырушы        

-Балалар әнұран туралы не білеміз?

— Әнұран – салтанатты ән.  Оны салтанатты  жағдайларда орындайды. Әнұранды орындаған  кезде міндетті түрде орынымыздан тұрып,  оң қолымызды  жүректің тұсына  қоямыз.

-Орынымыздан тұрып , әнұранымызды орындайық.

Мемлекеттік рәміздер туралы әңгімелесу.

-Біздің еліміздің туының түсі қандай?

— Мен сендерге  бұл суреттің маңызын түсіндірейін. Ортасында алтын күн орналасқан, әрқашан жайнап , жарқырай берсін деп.       Күн астындағы қыран- еркіндіктің , тәуелсіздіктің белгісі ,биікке самғайды.         Туымыз ұлттық  оюмен өрнектелген .

Балалар, ту туралы не білесіңдер?

-Ал мынау балалар мемлекетіміздің елтаңбасы екен. Елтаңбада шаңырақ, қос пырақ ат бар .Ат – адамның қанаты. Шаңырақ – үлкен  ортақ үй дегенді білдіреді.

-Сендер қалай ойлайсыңдар , Елтаңбаны қайдан көруге  болады?

-Қазақстан Республикасының шекарасында , маңызды құжаттарда , теңгемізде бейнеленген.

-Қазақстанның елордасы қай қала?

— Елордамыз –Астана

-Отанымыздың  жүрегі, астанасы — Астана қаласы. Астанамыз жас қала, әрі бас қала. Астанамыз жылдан-жылға көркейіп, әсемденіп келеді. Қазір осы Астананы бейнетаспадан көреміз.

-Астана қаласында болғандарың бар ма?

-Бәйтеректі көргендерің бар ма?

-Бәйтерек Астананың ортасында орналасқан.

Ол өте биік әрі сұлу ғимарат.

Қане, балалар бәріміз бірге ойын ойнайық.

Ойын: «Туған жерді гүлдендір» .

(Балалар алдын ала суреттері жапсырылған түрлі- түсті гүлдерді алып әуен ырғағымен жүріп, Қазақстан картасына гүлдерді орналастырады. Ойынды қызыға  ойнады.

-Балалар , туған жерді гүлдендірер ұл- қызы міне, сендерсіздер. Ол үшін терең  әрі жан – жақты болу міндеттерің. «Туған жер – алтын бесік» -демекші, балалар, бүгінгі сабақта айтылғандарды  өнеге етіп,  , елді , жерді сүюді ,  қадірлеуді өмірлік мақсат етейік! Еліміздің рәміздерін қадірлеп, биікке көтеріп жүруіміз қажет.

Қорытындылау. «Жас дәуірдің түлегіміз» әні.

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz