Менің өмірімде өзін-өзі тану пәнінің алатын орны

Өзін-өзі тану
Менің өмірімде өзін-өзі тану пәнінің алатын орны

Мақала авторы: Абдыгомар Рауан
Жұмыс орны: Ш.Айманов мектебі
Лауазымы: оқушы
Порталға жариялану мерзімі: 20.01.2017


       Еліміздің егемендігі нығайып, ертеңіне сеніммен қадам басқан шағында заманына сай адамын тәрбиелеу басты міндет. Осы өрелі жолда ұрпақ өнегесі, олардың адамдық болмысы жайлы ой толғап, рухани-адамгершілік білім беруді басты идея етіп ұстанатын «Бөбек» қорының президенті Сара Назарбаеваның «Өзін-өзі тану» авторлық бағдарламасының алға қойған мақсатының өзі ерекше. Жалпы айтқанда өзін-өзі тану жас жеткіншекті, яғни бізді өзінің қадірін өзі білуге, өзін сыйлауға, өзгелердің талқы-талдауына тәуелді болмауға, өзін-өзі жетілдіруге, өзі бетінше шешім қабылдай алуына және өз сөзі мен әрекеттері үшін жауапкершілікті сезіне білуге тәрбиелейді. Осы «Өзін-өзі тану» пәнінің арқасында мен өзімнің бойымдағы шығармашылық әлеуетін таныдым, өзімнің эмоционалдық көңіл-күйім мен мінез-құлық ерекшеліктерімді ұғына білдім, өз әдет-қылығым мен тәртімді басқара және бағалай білуге мүмкіндік туғыздым. «Өзін-өзі тану» пәнінің келер ұрпаққа пайдасы зор. Өскелең ұрпақтың тұлғалық дамуына, өзіндік қасиетінің ашылуына, шығармашылық және танымдық белсенділігін ынталандыруға, балаларға сүйіспеншілік, мейірімділік, ақиқат, адалдық, шыншылдық, сұлулық, рақымдылық, мінез-құлық дұрыстылығы арқылы үйлесімді жан-жақты дамыған адам қалыптастыруға үлкен көмегі бар.

Біздің Шәкен Айманов атындағы жалпы орта білім беру мектеп-интернатында  «Өзін-өзі тану» сабағы белсенді түрде өткізіледі. Түрлі музыкалық шығармаларды тыңдау, бейне көріністерді тамашалау, бір-бірімізбен ашық-еркін сөйлесу, ұстазымыздың жақсы шырайы бізді жылы көңіл-күйге бөлеп, оң көзқарасын байқата отырып, сенімге, сабырлыққа бөлейді. Бұнымен менің айтқым келгені «Өзін-өзі тану» пәні бізге ерекше сенім береді. Түрлі құндылықтарды өз бойымызға сіңіртіп, бойымыздағы жаман әрекеттерді, ашулықты жоюға тырысамыз.

Қорыта келе, «Өзін-өзі тану» пәні жүректен ерекше орны табылатын пән. Бұл пәнді бізге игеруге мүмкіндік беріп жатқан ұстаздар мен Сара Алпысқызына алғысымыз шексіз.

Павлодар облысы, Баянауыл ауданы,

 Баянауыл ауылы Ш.Айманов атындағы

жалпы орта білім беру мектеп-интернатының

 9 «А» сынып оқушысы Абдығомар Рауан

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz