Жай бөлшектерді және аралас сандарды координаталық сәуледе кескіндеу

Математика
Жай бөлшектерді және аралас сандарды координаталық сәуледе кескіндеу

Мақала авторы: Касмедина Бибигуль Аманбаевна
Жұмыс орны: Қарағанды облысы Абай ауданы Топар кенті Абай атындағы ЖББМ
Лауазымы: математика пәні мұғалімі
Порталға жариялану мерзімі: 27.01.2018


Қысқа мерзімді сабақ жоспары

Бөлім:

Жай бөлшектер

Мектеп: Абай атындағы ЖББМ
Күні: 07.11.17ж Мұғалімнің аты-жөні: Касмедина Б.А
Сынып: Қатысқандар саны:  18      Қатыспағандар саны: 0
Сабақ тақырыбы Жай бөлшектерді және аралас сандарды координаталық сәуледе кескіндеу.
Осы сабақта қол жеткізілетін оқу мақсаттары (оқу бағдарламасына сілтеме) 5.5.2.3 жай бөлшектерді және аралас сандарды координаталық сәуледе кескіндеу
Сабақ мақсаттары Оқушылар координаталық сәуле бойынан нүкте координаталарын анықтай алады, сәуле бойына жай бөлшектер мен аралас сандарды кескіндеуді үйренеді
Бағалау

критерийлері

Оқушы сабақ мақсатына мына критерийлер бойынша жетеді:

— нүкте координатасы ұғымын біледі;

— бірлік кесіндіні анықтайды;

— координаталық сәуледе бейнеленген нүктелердің координаталарын анықтайды;

— жай бөлшекті координаталық сәуледе кескіндейді;

— аралас санды координаталық сәуледе кескіндейді.

Тілдік мақсаттар Оқушылар:

-координаталық сәуледе жай бөлшекті кескіндеу алгоритмін түсіндіреді.

Лексика және терминология

-жай бөлшек;

-дұрыс және бұрыс бөлшектер;

-бөлшектерді қысқарту;

-аралас сандар;

-аралас санның бүтін және бөлшек бөлігі;

-бөлшектің негізгі қасиеті;

-бөлшектерді ортақ бөлімге келтіру;

-жай бөлшектің алымы…, ал бөлімі…білдіреді;

-бөлшектің негізгі қасиетін қолданып, …берілген бөлшектің ….ауыстыруға болады;

-жай бөлшекті координаталық сәуледе кескіндеу үшін …орындау керек.

 

Құндылықтарды

дарыту

Оқушыларға  өз ойларын ашық жеткізуді үйрете отырып,  ашықтық құндылығын оқушылар бойында дарыту.
Пәнаралық

байланыстар

Математикалық логика
АКТ қолдану дағдылары Презентация
Бастапқы білім

 

Жай бөлшек және оның түрлері, жай бөлшектің негізгі қасиеті, қысқартылмайтын бөлшектер, координаталық сәуле, санақ басы, бірлік кесінді.
Сабақ барысы
Сабақтың басы

І Ұйымдастыру кезеңі.

Мұғалім мен оқушылар бір бірімен амандасып, оқушылардың сабаққа ынтасын оятуға бағытталған жаттығу орындайды.

«Махаббат формуласы»

Оқушылар шеңбер бойына тұрып мұғалімнің іс- қайталайды.

Өзімді сондай жақсы көремін (қолды жүрекке қою)

Сені де жақсы көре аламын (көршісінің иығына қолын қояды)

Сен де өзіңді жақсы көресің (қолын көршісінің иығына қояды)

Мені де жақсы көре аласың (қолын жүрегіне қояды)

Осыдан кейін әр оқушы өз көршісіне сабаққа жақсы тілегін білдіреді.

Сабақтың ортасы

II.Үй тапсырмасын тексеру.

«Көршіңді тексер» арқылы оқушылар бір-бірлерінің үй тапсырмаларын дайын жауаптар арқылы тексереді.

III.Ой қозғау. Өткен сабаққа қайталау жұмысын жүргізу мақсатында мұғалім қолына доп алып, оқушылардың біріне лақтырып, сұрақ қояды:

—  нүктесін қалай кескіндейміз?

Оқушы жауап берген соң, допты келесі оқушыға лақтырып, басқа нүктенің координатасын кескіндеудің жолын сұрайды.  Оқушылар допты мұғалімге лақтыра алады, тек олар нүктелердің координаталарын қайталамау керек.

IV.Миға шабуыл.

«Айналмалы бекеттер» әдісі.

Сынып 5 адамнан тұратын топтарға бөлінеді. Әр топқа бір түсі маркер таратылады..Топтар маркерлерінің түстерімен ажыратылады.

Топ 5 минут ішінде тапсырмалары бар қиықшаны постерде өз түсіндегі маркермен орындайды. Тапсырмалар кезекпен орындалады. 5 минуттан кейін мұғалім белгісі бойынша әр топ келесі постерге шеңбер бойымен көшеді. Оқушылар алдымен алдыңғы топ шешімін тексереді, егер келіспесе өз маркерлерімен өз шешімдерін жазады, не түзетулер енгізеді. Шешімдер тексерілгеннен кейін оқушылар карточкадағы тапсырмаларды орындауды жалғастырады.

Мұғалім жекелеген оқушылардың нәтижелері бойынша жазбалар жасайды және қажетті жағдайда оқушыларға көмек көрсетеді.

Тапсырманы орындап болған соң барлық оқушылардың қиындығын тудырған тапсырмалар талданады.

Қиықша.

1.Бірлік кесіндісі 4 торкөз болатын координаталық сәуле сызыңыз. Оның бойынан келесі сандарды белгілеңіз:

.

 

2.Координаталық сәуле бойынан K F G нүктелерін белгілеңіз. D және E нүктелерінің координаталарын табыңыз.

3. Координаталық сәуле бойынан келесі сандарды кескіндеу үшін ыңғайлы бірлік кесіндіні белгілеп, берілген сандарды кескіндеңіз.

.

4. Бірдей сандар жазылған дөңгелектерді кесінділермен қосыңыз.

Координаталық сәуледе осы сандарды бейнелеңіз.

Дескриптор:   Білім алушы

— координаталық сәуле бойынан беттесетін нүктелерді табады;

— сурет бойынша нүкте координаталарын анықтайды;

— сәуле бойына нүктелерді белгілейді;

— бөлшектерді кескіндеуге ыңғайлы координаталық сәуле сызады;

-тең бөлшектерді таба алады.

V.Сергіту сәті.

Қатты нөсер басылды (жаймен тырсылдатады)

Күн жарқырай ашылды (қолдарымен күн жасайды)

Көктен төмен  әдемi кемпiрқосақ шашылды (жарты доға жасайды)

VI.Деңгейлік тапсырмалар. (жеке жұмыс)

А деңгей

Координаталық сәуледе қалып кеткен барлық нүктелердің координаталарын жаз.

В деңгей

Мына бөлшектерді қысқартып, координаталық сәуледе кескіндеңдер:

10/3; 21/9;  2/6; 12/6; 3/3.

С деңгей

Бөлшек, үлес ұғымдары күнделікті өмірде қай салаларда кездеседі. Мысалдар келтір.

Дескриптор:   Білім алушы

-жай бөлшектерді координаталық сәуледе кескіндейді;

-жай бөлшектерді қысқарту арқылы оған тең бөлшек алады;

-жай бөлшек, үлес ұғымдарының күнделікті өмірде қолданымдарын біледі.

VII.Сабақты бекіту. «Үшіншісі артық» әдісі арқылы артық элементті алып тастайды.

Сабақтың соңы

VIII.Сабақ соңында оқушылар рефлексия жасайды.

«Екі жұлдыз, бір тілек» әдісі.

Оқушылар стикерлерге сабақтың екі ұнамды мезетін және өзі мен ұстазға деген болашаққа тілегін жазады.

 

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz