Дініңді сатпа

Дінтану
Дініңді сатпа

Мақала авторы: Базаров Есенияз Гилманович
Жұмыс орны: ЖОББ Семиглавый Мар мектебі
Лауазымы: Қазақ тілі мен әдебиет пәнінің мұғалімі
Порталға жариялану мерзімі: 29.03.2018


«Дініңді сатпа, салтыңды сақта!

«Сатпаймын, сатқан емен дінімді мен

Өлмейтін, өшпейтұғын күнім білем,» — деп  еді дініне берік ақиық ақын Мұқағали. Енді міне ата-бабамыздан жалғасып келе жатқан мұсылмандықты, адам бойындағы имандылықты тәрк еткен діни сауатсыз жандарды көргенде жүрек қарс айрылады, аһ ұрасың. Бәрі қара көз қарындасың, өз ұлтың, өз қандасың… Сыртқа қалай тебесің, жамандыққа қалай қиясың! Бауырым-ау, бір адасқан екенсің, енді есіңді жишы, қалыпқа түсші, япырым-ай! Не деймін саған, кімді кінәлармын бұған! Айналайын ата-бабамнан рухани мұра болып келе жатқан асыл дін осы бұзылатындай, бұрмалайтындай не көрінді, не жазды тағы. Тағы дейтінім, не жазды дейтінім дін кеңес тұсында жетпіс жыл бойы теперіш көрген екен. Ол тұста «коммунизм» дегенмен бірге «атеизм» деген ұғым қатар жүріп кедергі болыпты. Енді егемендік алып, өзімізге келдік, салт-дәстүріміз, дініміз, діліміз, тіліміз қайта оралды дегенде, өкінішке орай исламды жамылып, түрлі теріс ағымдар бой көтерді. Жас буынның санасын улады, өзінің қатерлі иіріміне тартты. Енді оларды дәстүрлі дінге келтіру — қиынның-қиыны. Біз зайырлы мемлекетпіз, сонымен қоса қазағым бағзы заманнан мұсылманшылдық жолмен жүрген, өмірден озған жанды жаназасын шығарған, ақ жуып арулап көмген. Мединеде – Мұхаммед, Түркістанда – Қожа АхметМаңғыстауда – Пір Бекет.  Абайды ұйытқан, Шәкәрім қажылыққа барған ислам — иманы берік адамдардың діні. Ұлы Абай «алланың өзі де рас сөзі де рас, рас сөз еш уақытта жалған болмас» дейді. Дәстүрлі дініміз таза саф қалпына түсетініне сенемін, әрине ол үшін әрбір мұсылман азамат, азаматша сол тазалық жолында атсалысу керек. Осы мақсатта оқыған теолог мамандар халық арасына келіп, мектептерде оқушылармен кездесіп, оларды арам пиғыл дінбұзар адамдардан сақтандырып, түзу жолды көрсетуде. Рухани жаңғыру — салтымызды жаңғырту, санамызды, жаңарту. Дінді тілге тиек еткенде, ұлт нышаны тіл ойға орала береді. Тіліңді шұбарлама, ана тіліңде сөйле! Қадыр ақын:

«Ана тілің – арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!»- деп жырлағанда, туған тілден қасиетті ештеңе жоқ екенін түйсігіңе құйғаны еді. Ұғып ал, барың да, нарың да — сол тілің! Ата-бабам салып кеткен аянбаймын салтым үшін, аялаймын асылымды тоқтағанша бар тынысым! Дініміздің, салтымыздың бек сақталуына, дамуына үлесімізді қосайық, дүмшелерден еліміз тазарсын, жарқын болашаққа сенім артайық және иықтағы жүкті біріге көтеріп, халық сенімін ақтайық, асыл да ардақты бауырым!

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz