Алтын күз

Мектепке дейінгі тәрбие мен оқыту
Алтын күз

Мақала авторы: Ергебек Жазира Әбенқызы
Жұмыс орны: №4М.Әуезов атындағы мектеп
Лауазымы: Тәрбиеші
Порталға жариялану мерзімі: 15.11.2016


Алтын күз ертеңгілік сценарий

0 «в»сынып. 26.10.2016 о.жыл
Тақырыбы: «Алтын күз!»
Мақсаты: Оқушылардың шығармашылық қабілеттерін, қызығушылықтарын арттырып, белсенділіктерін дамытып, ұйымшылдыққа, достыққа, жауапкершілікке тәрбиелеу.
Көрнекіліктері: ,күз суреттері, шар, лента, жапырақтар.
Тәрбиеші:
-Армысыздар құрметті ата-аналар,қонақтар!Баршаңызды бүгінгі
«Алтын күз!»мерекесімен,шын жүректен «0 в» сыныбы құттықтайды!
Бүгінгі алтын күз мерекесіне арналған ертеңгілігімізді бастаймыз!
Балалар бүгін бізге қонаққа күз патшайымы келіпті.
Қарсалайық бәріміз
Жасымызбен кәріміз
Қырдан кепті қыдырып
Алтын күзде нұр төгіп
Тілегім аман болсын ел іргесі
Алтын күз қайта келді ел іргесі.
Молшылықтың жаршысы бола білді
Алтын күз -ырыс береке ала келді.
(Әуен жүріп тұрады.)
Күз ханшайымы. Амансыңдар ма, балалар! Бүгінгі желдің лебі мені сендердің орталарыңа алып келді. Мерекелеріңіз құтты болсын Сендерді көргеніме қуаныштымын Мен өзіммен алтын жапырақтарымды алып келдім. Әр жапырағымда тапсырмалар бар. Егер де тапсырмамды орындасаңдар, менің де сендерге сыйлығым бар.
Балалар мен сендерге бір жұмбақ жасырайын.
Ағайынды бәрі,
Шықса жасыл
Түссе — сары. Бұл не?
Балалар: Жапырақ
Күз ханшайымы: Дұрыс таптыңдар, жарайсыңдар.
Тәрбиеші: Балалар біз күз ханшасын төрге отырығызайық.
Күз ханшасы ең алдымен сендердің өнерлеріңді тамашалағысы келеді.
Тәрбиеші:
Жиылған қауым, армысыздар, бәріңіз!
Келіп жетті алтын дәнді сары күз.
Бірге болып қуанышта бәріңіз.
Бізбен бірге шаттық әнін салыңыз!
Қуантып біздерді,
Мерекелі күз келді.
Кел жемісті алтын күз
Кемелденсін халқымыз! .
Тәрбиеші:Біздің балалар күз мезгілі жайында жаттаған тақпақтарын айтып береді.Қошеметпен қарсы алайық.
Аянат:
Күз келді,алақай!
Алтын келді далаға,
Дәні биік бидайды.
Құйып жатыр қамбаға.
Жанель:
Молшылыққа бөленген,
Күз айы неткен ырысты ең?
Біздерді қауыштыратын.
Ыстық ұя мектеппен.
Мерует:
Сап-сары маңай,
Сап –сары тоғай.
Соңғы әнін айтып.
Құс кетті қайтып.
Калима:
Қарашы күз келді,күз келді,
Жапырақ жауыпты іздерді,
Құс біткен керуен құрады.
Қара бұлт қабағын түйеді.
Ақбөбек:
Біз кішкентай балдырған.
Сескенбейміз жаңбырдан,
Төбемізде қол шатыр,
Алдымызда жол жатыр.
Мейірлан:
Сарғайды тоғай,
Сап –сары маңай,
Соңғы әнін айтып,
Құс кетті қайтып.
Сабыржан:
Айнала жым-жырт,
Көк аспан сұрғылт.
Жер жыртқан тыңда,
Трактор қырда.
Мерей :
Жапырақ ұшты,
Суықта та түсті,
Сонда да бізге,
Қызық көп күзде.
Әміржан:
Алтын сары,қызыл,көк.
Алуан-алуан жапырақ,
Күзгі бақта күлімдеп,
Көз тартады атырап.
Күз ханшайымы: Ал, балалар енді менің бірінші тапсырмам
• Қазір жылдың қай мезгілі?
Балалар: Күз.
• Күз айларын атаңдар
Балалар: Қыркүйек, қазан, қараша
Тәрбиеші:
Алтын, сары, қызыл, көк
Алуан — алуан жапырақ
Күзгі бақта күлімдеп,
Көз тартады жалбырап.
Ортада «Күзгі жапырақтар»биі.
Тәрбиеші:Балалар күз ханшайымымен бірге сергіту сәтін жасайық.
Ветер дует,нам лицо,
Закачалась деревцо.
Ветер тише-тише,
А дерево выше-выше.( Қимылмен көрсете орындау)
Күз ханшайымы: Енді екінші сұрағымды тыңдаңдар
С:Көкөністер қайда өседі?
Ж:Балалар: Бақшада.
С:Жемістер ше?
Ж:Балалар:Бауда.
Тәрбиеші: Балаларымыз ендігі кезекте көкөністердің қандай пайдасы бар екенін сіздерге айтып береді.
Көрініс: «Көкөністер айтысы»
Ерген(қияр):
Дәмім тілді үйірген,
Мен тұздалған күймде.
Жаңа піскен кезімде,
Жейді бәрі сүйсіне.
Нұрдәулет (картоп):
Мен ұялшық картоппын,
Мен емесепін мақтанар,
Мені жақсы көреді,
Үлкендермен балалар.
Бақдәулет (Ас бұршағы):
Кішкене түймедеймін мен,
Ұнаймын және бәріне,
Дәмді салаттарыммен ,
Сый жасаймын бәріңе.
Әлижан(пияз):
Боламын мен демеуіш,
Барлық- барлық тағамға.
Көкөністер ішінен,
Мен пайдалы адамға.
Шапағат(сәбіз):
Кім бар сәбіз шырынын,
Жастайынынан ішпеген.
Мені жеген адамдар,
Кем болмайды күшке де.
Ернұр: (шалқан)
Кім білмейді шалқанды,
Дәмімді татып таң қалды.
Бәріне сый боламын,
Тауып көр менен дарқанды.
Бергей (қырыққабат):
Мақтанғаннан не пайда?
Менсіз дәмді щи қайда.
Мені қосса самсаға.
Жейді бәрі тамсана.
Гүлім (қызанақ):
Піскен кезде қызанақ,
Көз тартар қызыл түсімен.
Барма адам сүйсінбей,
Томат шырынын ішпеген
Айкөркем (Қызылша)
Мен де бір сөз айтайын,
Мақтанайын сіздерге
Менсіз борщ болмайды,
Винегрет те үстелге.
Кәусар(медбике):
Көкөністер бәрі де ,
Денсаулыққа пайдалы.
Мұны жатқа біліңдер,
Оларды жақсы көріңдер.
Күз ханшайымы: Балалар ойын ойнағыларың келе ме?
Балалар: иә
Ойын: «Жемістердің пайдасы».
Мақсаты:Балаларға жемістердің денсаулыққа пайдасы көп екенін түсіндіру.
Ән: « Күз әуені»
Күз ханшайымы:Балалар сендер көкөністер мен жемістердің пайдасы туралы көп біледі екенсіңдер.Енді басқа бағытта сұрақтар қоямын жауап бере аласындар ма?
Балалар:Ия
С : 1-10 сандарды тура ,кері санау.
С : Ағылшын тілінде қандай тақпақ білесіңдер?
Ж: family-отбасы.
С : дыбыстар нешеге бөлінеді?қандай дыбыстар?
Ж.Екіге. Дауысты,дауыссыз дыбыстар.
С :Көкөніс және жемісті орыс тілінде қалай
Ж:Көкөніс-овощ,жеміс-фрукты.
Тәрбиеші:
Күзім –ау,күзім-ау,
Мінезің бұзық-ау.
Жаңбырың сіркіреп
Келгенің қызық-ау.
Би: « Бұлттар мен тамшылар» биі
Күз ханшайымы:Балалар сендер барлықтарын өнерлі екенсіндер,енді ата-аналарына сұрақтар қойып,ойындар ойнап қарайық.Ата-аналар келісесіздер ме?
Жұмбақтар.
1)Піспегенде сырты қара,өзі қатты.
Ал піскенде ерекше дәмі тәтті.(картоп)
2)Аспай піскен,қайнамай түскен.(жеміс)
3)Жерге қазық қақтым,басына айдар тақтым.(сәбіз)
4)Жеп көріп ем өзін мен,жас шығарды көзімнен.(жуа)
Ойын: «Кім жылдам» Күз мезгілінің суретін шар үрлей отырып,салу.
Көрініс «Жалғыз алма»ертегісі.
Қоян-Гүлім.
Кірпі-Аянат.
Қарға-Әлижан.
Аю-Шапағат.
Тәрбиеші:Күз ханшасы балалардың өнері ұнадыма?
Күз ханшайымы:Рахмет балалар маған мереке ұнады. Ал енді менің орманға баратың уақытым болды
Берекелі бақ дәулет
Арта түссін тойланып
Сау болыңдар балалар
Тәрбиеші:Алтын күздің сыйы — жемістерден де дәм тататын кез келген сияқты. «Сау болыңыздар!» дей отырып, күз берекелі, астықты болсын демекпіз.

Тәрбиеші:Ергебек Жазира Әбенқызы

№ 4 М.Әуезов атындағы жалпы орта білім беретін мектеп

0 «в»сынып
«Алтын күз»

Тәрбиеші:Ергебек Жазира Әбенқызы
2016оқу жылы

Конкурстар мен олимпиадалар - https://talimger.kz

Республикалық қашықтық олимпиадалар — http://clever.zti.kz

Республикалық конкурстар, курстар, конференциялар мен олимпиадалар — https://ukz.kz

Конкурстар, конференциялар және олимпиадалар — https://tarim.kz

Халықаралық семинарлар, олимпиадалар мен конкурстар — https://mriks.ru

Халықаралық педагогтар ассоциациясы - https://iae.su

Атаулы ертегілер - https://hansunqar.kz