Ағылшын тілі
Сырбаева Асель Мархабатовна, Үштілділік: оқытудағы жаңғырту

Үштілділік: оқытудағы жаңғырту

Мақала авторы: Сырбаева Асель Мархабатовна
Жұмыс орны: Қостанай облысы, Амангелді ауданы," Амангелді жалпы білім беретін орта мектебі" КММ
Лауазымы: ағылшын тілі пәнінің мұғалімі
Порталға жариялану мерзімі: 03.10.2017


2017 жылғы 4 қыркүйектен «Өрлеу» БАҰО АҚФ ОҚО бойынша ПҚБАИ базасында химия, биология, физика, информатика және ағылшын  пәндері мұғалімдері үшін «Үштілді оқыту жағдайында мұғалімдердің коммуникативтік-тілдік және пәндік құзыреттіліктерін   қалыптастыру» тақырыбы бойынша кезекті 4 айлық  курс басталды. 18 пән мұғалімінен тұратын топқа курсты «Өрлеу» БАҰО» АҚ «Train the Trainer», «Cambridge English Language Assessment» біліктіліктілікті арттыру курстарынан өткен тренерлер өткізуде. Курстың мақсаты курсқа қатысушы мұғалімдердің ағылшын тілін меңгеру деңгейін кезең-кезеңмен жетілдіру барысында CEFR  тілдік құзыреттілік еуропалық шкаласына сәйкес А2 деңгейінен В2 деңгейіне дейін көтеру болып табылады. Бағдарлама бойынша мұғалімдердің үш тілдегі білімге кезең-кезеңмен көшу жағдайында TKT CLIL (Teaching Knowledge in Content and Language Integrated Learning) қолдану дағдыларын меңгеру арқылы пән мен тілге кіріктіріп оқыту тұрғысында жаратылыстану ғылымының бағыты бойынша біртұтас әдістемелік практикалық бағдарланған жүйе әзірленген. Бағдарлама 3 модульден тұрады, тыңдаушылар әр модульде ағылшын тілін меңгеру деңгейін шыңдайтын болады.

Аталмыш курста әртүрлі аудандардан келген ағылшын тілі пәні мұғалімдері бар. Мен де осы курстың тыңдаушысы болып табыламын. Курстың басталғанына бір ай болғанымен уақыт тез-ақ өтіп кетті, оның себебі курс өте қызықты, мағлұматқа бай, әсерлі. Біздің тобымызда барлығы 16 мұғалім, барлығы да өз мамандықтарын жетік меңгерген білікті ұстаздар. Ағылшын тілінде күні бойына пікір алмасу мүмкіндігі күнде туа бермейді, бұл біз үшін жақсы мүмкіндік. Сабақ барысында тренеріміз Турдиев Назим бізге түрлі әдіс- тәсілдер арқылы тілімізді жаттықтыру, сөздік қорымызды байыту мақсатында көптеген мағлұматты игертуде.

Тіл – қай ұлтта, қай елде болса да қастерлі, құдіретті. Бүгінгі нарық заманы бізден бәсекеге қабілетті болуымызды, дамыған отыз елдің қатарынан көрінуіміз үшін білімді де озық ойлы  азаматтарды тәрбиелеуімізді талап етеді.

Әлемдегі жоғары дамыған елдердің санатына енуді көздеген халықтың басты мақсаты да сауатты ұрпақ тәрбиелеу. Олай болса, біздің де көздеген мақсатымыз осы курста барынша білімімізді шыңдап, өз оқушыларымызға сапалы білім беру болып табылады. Бүгінде осы үштілділікті қолдау, қолдану мақсатында біз, мұғалімдер,  өз үлесімізді

қосуға, оқушыларға  аталған жаңа талаптарға сай білім беруге бір кісідей ат салысамыз.